Lafaek News–Komandante Jerál Polísia Nasionál Timor- Leste (PNTL) Komisáriu Faustino da Costa deklara, maske governu hapara ona Komfinamentu obrigatóriu no serka sanitaria iha teritóriu nasionál, maibé sei la retira Membru PNTL husi postu entrada hotu, mantein atu garante seguransa no transforma sai postu tr ánzitu permanente.
Komisáriu Faustino hatoo asuntu ba jornalista sira hafoin remata enkontru semanal ho Prezidente Repùblika, Franscisco Guterres Lú Olo iha Palasiu Prezidensial Nicolao Lobato Bairu-Pite iha loron kinta (07/10/2021),
Laiha ona SS no KO, maibé estadu emerjénsia nafatin la’o, agora situasaun interna teknikamente atu dehan hanesan ne’e se ita retira tiha membru sira iha Postu ne’e oinsá ita atu garante katak fatin sira ita kria ne’e seguru, entaun ami transforma postu entrada iha kapital sai postus seguransa tranzitu para membru sira iha nafatin,’’ informa Faustino da Costa.
Komandu jeral PNTL ne’e argumenta, keta halo hasai Membru PNTL sira ohin aban sira ne’e haree lona sira kuak hotu, haris fatin estragus, maibé seidauk hatene pandmia ida ne’e lakon ona ka seidauk, tanba ne’e mantein nafatin postu entrada hotu atu utiliza hanesan postu seguransa.
Se tempu ruma mak kazu COVID-19 ne’e numero sae , bainhira mak ita mobiliza fali instala fali para membru sira halao sira nia Servisu, maibé ami sei reduz membru PNTL sira ne’ebe mak halao servisu iha postu sira ne’e”, informa Faustino.
Iha enkontru ne’e Xefe Estadu Francisco Guterres Lú Olo no Komandante Jerál Polísia Nasionál Timor-Leste (PNTL) Faustino da Costa toka mos asuntu kona-ba situasaun Timor-Leste intermus seguransa nian inklui atualiza atendimentu ilegais, no preparasaun PNTL nian iha eleisaun prezidente.
Jornalista : Rita Moniz
Editor : Agapito de Deus
