Lafaek News—Governu Korea liu husi KOICA iha Timor Leste hamutuk Agensia Global Civic Sharing (GCS), fó tulun material prevensaun Covid-19 ba instituisaun estadu, eskola, Igreja no MEJID iha Munisípiu Lautém, ajudu ho intensaun hodi responde ba servisu friendship entre Lautém h o Governu Korea.
Responsável Global Civic Sharing munisípiu Lautém Anacleto Amaral, hateten ajuda material covid-19 hanesan maskará, hand sanitizer no term scanner ba iha instituisaun públika sira atu nune’e prevensaun covid 19, bainhira inan-aman sira vizita edefísiu públiku sira ne’e bele uza material sira hodi prevene virus refree.
“KOICA mak suporta osan ba Global Civic Sharing hodi sosa material sira ne’e hodi distribui no fahe ba instituisaun públiku sira ne’e, sasán sira ne’e tuir lo-loos distribui ona iha fulan Jullu liubá, maibé tanba iha problema atu sosa sasán sira iha Dilia laiha tan ne’e foin fahe iha fulan Novembru ida ne’e,” katak Responsável GCS ne’e ba jornalista sira iha Lautém sesta (20/11/2020).
Nia akresenta, material hirak ne’e fahe ba Igreja, klínika no eskola sira iha Villa Lospalos, administrsaun munisípiu Lautém no administrasaun postu sira, tuir planu GCS sei fahe mós ai-han bajika ba komunidade sira iha vila Lospalos ne’ebé identifa ona vulneral tebes sira sei simu nesesidade bajika hirak ne’e, maskra ne’ebé fahe ba iha instituisaun iha postu administrativu Lospalos iha kuaze hamutuk 8 ho totál maskra 8.000 hand sanitize, thermo scanner ba fatin sira ne’ebé identifika ona hodi distribui.
Sorin seluk administradór Munisípiu Lautém Zeferino dos Santos Siqueira, hatoo nia apresiasaun KOICA ho GCS ho ajuda ne’ebé maka fó ba instituisaun públika sira Igreja katólika, klínika no majid muslimanu sira iha munisípiu Lautém too postu admnistrativu lima.
“Uluk kedas hahú husi Timor ukun an povu Lautém iha amizade di’ak tebes ho povu Koreanu sira, tanba ne’e relasaun kontinua entre komunidade Lautém no Korea to agora, husu nafatin ba funsionariu hotu atu uza material sira ne’ebé GCS distribui ho kuidadu, ba oin Lautém kontinua nafatin servisu hamutuk ho povu Korea, husu obrigado mós ba ajudus ne’ebé fó husi GCS tanba bele tulun ona komunidade sira prevene covid 19,” PAML Zeferino subliña.
Jornalista : Elidio Castro
Editora : Nelya Barros
