NOTÍSIA JERÁL · 20 Nov 2020 10:26 ·

KDL : Estadu Iha Obrigasaun Proteze Direitu Labarik


KDL : Estadu Iha Obrigasaun Proteze Direitu Labarik Perbesar

Lafaek News—Komisária Direitu Labarik (KDL), Dinora Granadeiro, afirma estadu iha dever moral hodi proteze labarik sira atu lori asesu iha edukasaun.

Komisária Direitu Labarik, Dinora Grandeiro hatoo kestaun ne’e liu husi diskursu iha sesta (20/11/2020), hafoin partisipa iha komemorasaun loron ba labarik iha Balide, katak estadu iha dever absoluta atensaun no valoriza inklui kria kondisaun hodi bele garante direitu labarik sira.

“Ho selebrasaun loron Labarik ida ne’e, ita espera katak komunidade no sosiedade bele iha konsiénsia bele muda sira nia tratamentu ateitude ba labarik sira no Konsidera labarik hanesan umana ida iha família nia laran trata ho dignu hodi fó biban bele goza sira nia direitu fundamental no família mak sai hanesan fatin ne’ebé fo protesaun ba Labarik,”  Esplika Komisaria KDL Dinora Granadeiro ba Jornalista Iha Uma Mahon, Balide sesta semana ne’e.

Hodi dehan, Uma Mahon Balide iha servisu ne’ebé mak makas no apoiu tebes ba iha governu li-liu ba iha Ministériu Solidariedade Sosial no inkluizaun (MSSI), ho nia servisu bele akumula labarik sira ne’ebé sai vítima no labarik ne’ebé iha família nia laran la tau matan no abandonadu.

Komisária ne’e afirma, Komisaun labarik halo hela esforsu no advokasia ne’ebé  lobby hela ho Komisaun F Iha Parlamentu Nasionál atu oinsé mak lei ba protesaun labarik ne’ebé kaduka hela iha tinan rua liu ba atu bele diskuti fila-fali nune’e bele tama en vigor ba iha MSSI atu bele halo nia servisu di’ak liután

“Ita mos esforsu no servisu ho komisaun kombate traballu Infantil hodi prepara hela esbosu dekretu lei ida hodi reguliza labarik sira ne’ebé mak halo hela servisu iha estrada atu halo planu asaun ruma ba sira, nia subliña.

Ntan ne’e Komisaun Labarik kontinua halo sensibilizasaun ba komunidade sira atu hatene dever inan-man nian atu proteze di’ak liután labarik sira.

“Labarik sira ne’ebé mak liga ho komflitu sira mos tenki hakmatek iha uma Mahon tanba saida? Mak sira tenki ba iha uma Mahon kestaun ne’ebé ita tenki hatene tanba nemak Família ne’ebé mak tuir lo-loos sai hanesan fatin fo protesaun másimu no sai seguru maibé família rasik mak sai fali altu kontribui ba Krime ba Labarik sira,” Nia kestiona.

Fatin hanesan Diretor F-FCJ Oratóriu Dom Bosco Damião da Silva,  salienta, atividade ne’e Komemora loron labarik nian, tanba ne’e mak F-FCJ rasik kada inan tau asuntu Importante ida ne’e iha Programa ne’ebé hetan apoiu osan husi MSSI.

“Ami halibur labarik sira hamutuk hodi halo animasaun ba Labarik sira no iha loron 4 ba kotuk,ani halo reflesaun ba Labarik husi parte hot-hotu no Merry Stopes mos fó formasaun saúde nian ba labarik feto sira no ONG fo naroman mos fó konsulta ba labarik sira iha uma Mahon bo aktividade esperitual ba missa Agradesimentu too ohin loron, Sublina Diretor  FFCJ Oratóriu Dom Bosco ne’e.

Damião reforsa, uma mahon mos iha departamentu edukasaun servisu atu haree liu ba problema edukasaun labarik nian iha Informal no noun formal, maibé depende de’it ba labarik sira nia hakarak atu hili ida ne’ebé hodi rezolve ba iha sira nia edukasaun.

Entretantu,  departamentu ida iha uma Mahon mós haree de’it ba labarik sira ne’ebé iha problema no oinsá atu resolve hodi liga ho Família

“Apela ba iha komisaun direitu labarik no ema hotu ita hotu tenke kontribui atu implementa komviksaun no entidade hotu família no sosiedade sívil no governu rasik kontribui másimu atu implementa lei ba labarik ho didi’ak nune’e bele proteze labarik sira nia direitu no dever iha Timor-Leste,” Damião hakotu.

Jornalista   : Sabina Barreto Klau

Editora       : Nelya Barros

1,359 Views
Artikel ini telah dibaca 89 kali

badge-check

Editor

Baca Lainnya

CNC!I.P Loke Seminariu Introdusaun Istoria Prezervasaub Povu TL

5 July 2024 - 18:39

FONGTIL Haforsa Kna’ar Sosiedade Sivil iha Dezenvolvimentu Nasional

5 July 2024 - 18:12

APC Kontinua rejista Uma Kain 19 Estraga Husi Dezastre Naturais    

24 June 2024 - 14:22

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Trending di NOTÍSIA JERÁL