Lafaek News—Komisaria Komisaun Nasionál Direitu Labarik (KNDL) Dinora Granadeiro, hato’o agradese ba Fundasaun Forum Komunikasaaun Joventude (FFKJ) tanba iha selebrasaun loron labarik ba dala XIII bele halibur labarik sira ne’ebé durante hili lixu hodi sustenta nesesidade uma laran iha Tibar.
“Ami agaradese tebes ba FFCJ Balide Dili tanba bele mobiliza labarik sira ne’ebé máka durante ne’e serbisu iha lixu tibar hodi hatoo sira nia preukupasaun ba parte relevante liu liu ba governante sira, relasaun ho labarik sira nia serbisu raut foer iha lixu fatin tibar hodi sustenta familia nia moris,” komisaria Nasionál Direito Labarik Dinora Granadeiro, hatoo lia hirak ne’e iha komemorasaun loron labarik iha Tibar, kinta (18/11/2021).
Komisaria sublina tan, relasaun ho selebrasaun loron direitu labarik ne’e importante tebes ba labarik sira atu hato’o sira nia preukupasaun ba governante sira iha ambitu selebrasaun loron labarik nian.
“Eventu ne’e importante tebes tanba ita nia oan ne’ebé mak durante serbisu iha lixu tibar hodi sustenta familia nia moris tanba kbi’it laek, tan ne’e ami husu ba exelensia sira atu bele rona netik sira ba, tanba durante ne’e sira mós hakarak hatoo preukupasaun sira nian ba ita boot sira,” nia rekomenda.
Ho preukupasaun ne’e Vise-Ministra Soliedaredade Sosial no Inklusaun (MSSI), Signi Candrawati Verdial, hamutuk ho parseriu World vision distribui nesesidade bazika ba familia ne’ebé mak serbisu iha lixu fatin tibar nomos ba labarik ki’ik sira ne’ebé durante hili lixu iha tibar hodi sustenta familia sira.
“Ohin loron MSSI hamutuk ho parseriu World vision, apoiu hahan bazika ba familia ne’ebé mak durante ita haree serbisu hili lixu iha fatin Tibar no apoiu ne’e hanesan foos, mina, rinso, pepsodente, kadernu no lapizeira hodi hakmaan netik sira iha loron balun nia laran,” hateten Vise MSSI.
Entretantu, iha komemorasaun loron nasionál direitu labarik ba dala XIII ne’e hetan partisipasaun masimu husi labarik sira iha Tibar husi estudante ensino baziku 1,2 siklo tibar bazartete inklui mós inan aman no mós hetan parseriu protesaun labarik, sosiedade sivil no membru governu.
Jornalista : Manuel Andrade
Asisten Editór : Pedro de Almeida
