Lafaek News–Hahan ba kabun obriga Rosa Martins da Silva ho tinan 59, hela iha Bekora lor-loron lao haleu sidade Dili hodi faan derok-masin no aimanas hodi sustenta ba ninia nesesidade lor-loron no ho prinsipiu moris nian rasik di’ak liu liberta an duke hein mehi governu nian bainhira loos liberta povu husi kiak no hamlaha.
Prosesu libertasaun povu seidauk la’o ho lolos no justu, no prosesu libertasaun povu husi kiak no mukit la’os atu hakiak fali kiak ho mukit, susar ho terus, laiha hela fatin, laiha rai pedasuk no laiha aihan ne’ebé sustenbilidade ba povu kiik nia moris loro-loron.
Situasaun ne’ebé mensiona paragrafu iha leten nian, povu kiik sira liu-liu Rosa ho idade ne’ebé avansadu sei la konsege rezultadu husi prosesu libertasaun povu, nia deside liberta an husi kiak no muki liu husi negosiu kiik ne’ebé hateke la hetan so bele la’o iha loron manans no udan laran hafoin ema bele hetan no laran monu hodi sosa produtu lokal rua hanesan derok masin no aimanas ne’ebé inan kbiit laek ne’e kaer iha liman rua no haklulu mos iha bote.
Aliende difikuldade ne’ebé inan Rosa hasoru ho nia familia hanesan krize nesesidade, iha mos problema seluk mak nia kaben sofre hela moras iha uma kuaze tinan ida liu ona saúde seidauk rekupera atu ajuda buka osan hodi responde mos ba nesesidade loron-kalan.
Ha’u nia laen moras tinan Ida ona la’o ladiak lao oin halai ne’ebe Hau mak faan fali sasan hodi Sosa hahan Uma laran hodi Han no selu Hau Nia oan nain rua nee Nia eskola, ita labele hein de’it governu, tanba governu la’os haree ema Ida de’it nia moris,”dehan Rosa ba Jornalista lafaek news iha Audian Tersa semana nee
Sai husi uma Bekora tuku neen dader hodi lori aimanas ho derok-masin la’o haleu sidade Dili hodi faan, bainhira loron matan subar an ba tasi, hafanu ona nia hanoin atu fila fali ba dalan uma nian hodi sura mos rendimentu loron ida nian sorte di’ak hetan dolar 10 sorte la di’ak hetan de’it dolar 2 too 4 de’it, maibé dala ruma lori fila-fali ba uma tanba loron tomak laiha ema ida mak sosa.
Ha’u sai husi uma tuku neen dader Ha’u tau sasan ba bote laran hodi la’o ba faan sasan ,sasan ne’ebé mak Hau faan nee dalaruma Ema sosa dalaruma ema la sosa, tanba ema barak mak faan, sasan ne’ebe mak ha’u faan ema la sosa too lori fali ba uma senti triste, tanba loron Manas no udan ha’u kontinua la’o, maibé tahan deit,’’ Nia hakotu
Rosa Martins iha oan mane de’it tolu, oan dahuluk la eskola, iha de’it uma hodi hare’e nia aman ne’ebe moras no Mane nain rua eskola iha Herois da Patria Mane Ida agora besik finaliza no oan datoluk sei iha primaria.
Jornalista : Domingas Viana
Editor : Agapito de Deus
