Lafaek News—Kliente operadór telekomunikasaun rua kompostu Telemor ho Timor Telekom, lamenta ho vilosidade internet ne’ebé fornese ba klientes sira la’o hanesan lenuk.
Kliente Telemor Bonifacio dos Santos, husu operador telemor atu fornese Internet ho kualidade tuir promosaun husi operador katak utiliza internet online, website, facebook loading kleur liu no la tuir promosaun husi loja Telemor iha Dili laran.
“Telemor ho timor telekom bainhira ha’u ba sosa iha sira nia loja sira dehan uza internet facebook, whatsapp, gmail no seluk seluk tan lais liu no fasil asesu ba buat barak, maibé to agora ami uza rede hanesan los lenuk no nia prosesu ne’ebé maka kleur los hodi haree informasaun,” Bonifacio afirma ba lafaek news iha pantai kelapa, (17/12/2020).
Tuir kliente ne’e nia hakarak katak operadór Timor Telekom ho Telemor atu fornese rede internete ho vilosidade ne’ebé di’ak ho kualidade atu nune’e kliente sira bele fasil hhodi utilize.
Sorin seluk kliente Timor Telekom, Mario Fernandes, reforsa nia parte la satifas ho rede timor telekom no telemor ne’ebé da-daun iha Timor laran asesu rede ne’ebé maka ho velosidade halai kleur difikulta tebes kliente atu asesu informasaun ruma ho lalais.
Jaringan telemor no timor telekom agora ne’e ami uza bainhira asesu ba facebook, whapsapp, gmail, google no seluk seluk tan ho prosesu ne’ebé maka halai kleur no toos hodi ami asesu ba informasaun iha telemovel,” katak kliente Mario.
Jornalista : Aniceto Dias
Editora : Nelya Barros
