Lafaek News—Orgaun Konsellu Imprensa Timor Leste (KI), prevee osan 42 mil ba eventu lansamentu loron liberdade imprensa, inklui komemora trajedia Balibo Five iha postu administrativu Balibo, munisípiu Bobonaro.
Asuntu ne’e hato’o husi Presidente Konsellu imprensa, Virgílio da Silva Guterres, hafoin sai oradór ba eventu diskusaun editór club ho ho tema liberdade imprensa no demokrásia iha Kódigu penál 285, ne’ebé organiza husi Asosiasaun Jornalista Timor Lorosa’e ( AJTL) iha salaun Golden Star Audian.
“Orsamentu ne’ebé mak prevé ba iha komemorasaun loron liberdade imprensa nian prevee orsamentu 42 mil, uluk la to’o, iha 20 ka 30 mil de’it, ne’ ’e tanba konsentrasaun ba de’it trazedia Balibo, maibé agora rua hanesan trajedia Balibo, no lansamentu ba loron liberdade imprensa nasionál ba dala uluk, entaun iha adisionál montante,” dehan Prezidente KI, Virgílio da Silva Guterres, ba jornalista sira iha iha salaun Golden Star Audian, kuarta (06/10/2022).
Tuir Presidente KI ne’e katak, parte ezekutivu KI nian apresenta iha plenaria 42 mil, orsamentu ne’e persentajen boot liu maiória husi estadu no tuir mai, iha tan parseria husi UNESCO no parseiru sira seluk.
“Atividade ne’e hahu iha loron 13 hahu ona ho feira lansamentu feira ba komunidade sira iha ne’eba, atividade diskusaun, debate kontinua too loron 15, 16 diskusaun nivel nasionál nian, entre komunidade no jornalista sira mos sei apresenta sira nia produtu”.
Entretantu Presidente Konsellu imprensa Virgílio relata, Komemorasaun loron liberdade imprensa nasionál ne’e parte VIP mak hanesan Presidente Repúblika, José Ramos Horta konfirmadu ona atu partisipa, inklui parte governu nian reprezenta husi MAPKOMS, Presidente Parlamentu Nasionál no autoridade Munisípiu Bobonaro.
Jornalista : Rita Moniz
Editór : Agapito de Deus
