Lafaek News—Ministériu saúde (MS) Portavos Covid-19, Odete Viegas informa ohin Timor-Leste iha ona kazu Covid-19 pozitivu hamutuk ema na’in-35 ho kazu ativu nain-13, kazu foun ohin iha ema na’in-4.
Porávoz Odete Viegas hato’o iha konferénsia imprensa segunda (28/12/2020) Dadus 27 de Dezembro 2020, Total númeru Teste nain 1.6324, hein rezultadu na’in-397 Total komulativu kazu na’in- 44, rekuperadu na’in-31+4=35 (Ativu: 13),kazu Foun na’in-4, rezultadu negativu na’in-1.5886, total iha karantina na’in-349, iha Dili na’in-279 no iha munisipiu-70, Auto Karantina nain-136.
Nia informa, Kazu ne’ebé detekta iha loron 27/12/2020, mane ida ho idade 26, hatudu sintomas ho isin manas 38,6 gradu, isin moras no kolen no mane ida ho idade 35, laiha sintomas.
“Tuir Informasaun rekolla, mane ida fali ho Idade 42, laiha sintomas.Sira Nain 3 viajem husi UK- 20 Dezembru ho aviaun Qatar Airlines to’o iha Doha, oras rua transit fali Husi Doha ba Malaysia iha data nebe hanesan dia 20 Dec 2020 ho aviaun Qatar Airlines, to’o iha Malaysia iha dia 21 Dezembro 2020, oras 24:00am,” dehan Odete Viegas liu husi konferénsia imprensa iha palasiu Sinzas Kaikoli, segunda semana ne’e.
Portávoz ne’e relata, ema ne’e toba iha waiting room Airportu Malaysia, sai husi Kuala Lumpur, Malaysia mai Dili, TLS iha dia 22 Dezembru 2020, ho aviaun Air Asia, sidadaun Pakistan ida ho idade 33, laiha Sintomas, Ema Pakistan ne’e halo viajen husi pakistan ba Doha ho Aviaun Qatar Airlines, no kontinua ho Aviaun hanesan mai Malaysia iha loron 21 Dezembru no Mai Dili ho Aviaun Air Asia iha loron 22 Dezembru 2020.
“Bainhira Aviaun Air Asia atu arranka mai Timor, Crew Aviaun Simu Informasaun katak iha Pasajeru ida ne’ebé detekta pozitivu COVID-19 no na’in 2 seluk ne’ebé laiha dokumentu husi Teste PCR nian, iha momentu ne’ebá deside kansela viajen ba kazu pozitivu ne’e no sira ne’ebé laiha dokumentu rezultadu PCR,” Odete haktuir iha konferénia imprensa ne’e.
Jornalista : Sandi Belo
Editora : Nelya Barros
