Lautém-(Lafaek News)—Problema kampu futebol rua iha munisípiu Lautém Titilari no kampu demokrasia Lospalos clube Beltatrez ne’ebé komisaun la deside klaru clube FC Beltatres foti desizaun hodi mantein iha kampu demokrasia Lospalos no clube FC loriku partisipa iha kampu futebol Titilari.
Vise Prezidente clube FC Beltatres, Armando dos Santos, hateten Beltatres la partisipa jogu final iha Titilari tuir oráriu tama iha oitavu final joga halo hotu iha kampu demokrasia Lopalos villa, maibé halo fali iha Titilari liu husi laiha konsultasaun husi komisaun muda ba Titilari.
“Ami seidauk tur hamutuk hodi deside finalidade uza kampu futebol ida ne’ebé ne’e, maibé komisaun foti rasik desizaun hodi halo jogu iha Kampu futebol Titilari, inisiu ami hamutuk ne’e dehan 8 finais ne’e halo jogu iha hotu kampu demokrasia Lospalos, tan ne’e ami persiza legalidade kundu iha mudansa ita tenke tu’ur hamutuk no labele foti desizaun mesak, tan ne’e ami sei lori kestaun ne’e ba oin enuantu laiha solusaun ba jogu final entre clube Beltatres no Fc loriku,” dehan Vice FC Beltatres iha Kampu demokrasia Lospalos vila segunda semana ne’e.
Hatan ba Kestaun ne’e prezidente komisaun Interinu, Delcio da Costa Guimaraens, hateten antes jogu hahú Komisaun liu husi nia media halo ona publikasaun ba públiku katak jogu final sei halo iha kampu Titilari tanba ne’e komisaun deside halo iha Titilari, maibé Beltatres la mai partisipa ho razaun kampu dook husi komunidade barak nia leet no kestaun udan iha Lospalos.
Enkuantu tuir oráriu jogu ba final tasa komandante Nino Konis Santana halo iha tuku 1, maibé observasaun iha terenu jogu la realiza hahú husi tuku 1 too kalan iha kampu rua Titilari no kampu demokrasia Lospalos, iha treinu ba kampu rua ne’e haree katak klube rua ho nia adeptus barak hein hodi assiste jogu ba final, maibé jogu la realiza iha segunda (28/12/2020).
Iha parte seluk Polísia Nasional Timor Leste (PNTL) komandu munisípio Lautém foti inisiativa halo mediasaun ho komisaun no klube rua, maibé la hetan solusaun tanba parte beltatres la partisipa ho razaun la hetan kontaktu husi parte mediasaun.
tasa Konis Santa iha Lospalos hahú durante fulan 2 no partisipa jogu ne’e hamutuk klube 61, maibé tama ba final iha klube 4 Kuartu FC Uniaun Serelau Terseiro lugar FC Jona LN, No FC Beltatres ho FC loriku mak hadau malu primeiru lugar, maibé ohin la konsege fahe tasa tanba komisaun seidauk fo sai rezutadu final, kestaun seluk ida tan FC beltares la tuir jogu iha kampu Titilari.
Jornalista : Elidio Castro/Jocke
Ediora : Nelya Barros
