Lafaek News–Koordenadór Forsa Tarefas ba Prevensaun no Mitigasaun Surtu Covid-19, Sentru Integradu Jestaun Krize (SJIKI), Rui Maria de Araújo, informa dadus pasiente foun ne’ebé rejista iha loron tersa (27/07/2021), hamutuk pasiente 33,  kazu ativu 654, husi númeru ne’e iha Dili 10, Baukau 3, Bobonaru 1, Ermera 18 no Vikeke nain 1, kazu rekuperadu hamutuk 35.

Rui Maria de Araújo, relata Kazu detetatu foun iha loron 27 Jullu 2021 hamutuk: 33 (iha Dili 10, Munisipiu seluk hamutuk 23), husi total kazu detetadu foun nee: mane 12, feto 21, no kazu detetadu foun hirak nee ho idade 12:1, ho idade  entre 12-59 nain 30 (91%), ho idade 60:2, kazu detetadu foun nee, 15,1% maka sintomátiku (hatudu sintomas).

‘’Kazu rekuperadu ne’ebé relata ohin hamutuk: 35, no kazu ohin 27-07-2021 hamutuk: 654, total kazu konfirmadu kumulativu iha 27 de Jullu 2021 (sura husi 21 Marsu 2020): 10.387,” esplika kordenadór forsas tarefas ne’e liu husi komunikadu imprensa, Tersa (27/07/2021).

Nia afirma, iha loron  27 de Jullu 2021, izolamentu Vera-Kruz halo tratamentu ba kazu detetadu nain 17, iha área obstetrisia nain 6, iha medisina interna nain 7, iha sirurjia nain 3, pediatria 1,sira nain 6 iha obstetrisia, kategoria leve (mild) hotu, husi sira nain 7 iha medisina interna, 2 grave (1 uza ventilador, 1 ho oksijéniu), nain 2 moderadu, nain 3 leve (mild), sira nain 3 iha sirurjia, kategoria leve (mild) hotu, no ida iha pediatria, kategoria leve.

Jornalista : Sandi Belo

Editor : Agapito de Deus