Lafaek News–Prezidente Tribunal Rekursu (PTR), Deolindo dos Santos, informa partidu polítika hamutuk hitu (7) sei la konkore iha eleisaun parlamentar ho razaun la prienxe rekezitus legal.
Lider orgaun judisiáriu ne’e hato’o asuntu ne’e ba jornalista sira iha tersa (27/07/2021), hafoin hasoru malu ho Prezidente Repúblika, Francisco Guterres Lú Olo, iha palasiu prezidente katak, partidu 7 ne’ebé la partisipa iha eleisaun palamentar mak hanesan partidu Klibur Oan Timor Asuawain (KOTA), Assosiasaun Sosial Demokrata Timorense (ASDT), Partidu Trabalhista Timorense (PTT), Partidu Nasional Timorense (PNT), Partidu Unidade Nasionál (PUN), Partidu Demokrátiku Liberal (PDL) no PARENTL.
“Partidu lubun boot ida ne’ebé ha’u la relebra ona naran, ne’ebé iha tempu hirak liu ba Tribunal Rekursu deside tiha ona katak, sira la priense kriteria nu’udar partidu polítiku para atu kontinua konkore ba eleisaun tuir mai, ida ne’e desizaun rekursu nian,” Hateten Presidente Tribunal Rekursu Deolindo dos Santos hafoun remata enkontru ho Xefe estadu Fransisco Guterres Lu_Olo iha palasio presidensial Bairo pite (27/07/2021).
Deolindo dos Santos fundamenta, partidu lubun 7 iha Tribunal Rekursu la prienxe kritéria nu’udar partidu polítiku hodi kontinua konkore ba eleisaun prezidensial no parlamentar inklui, partidu ne’ebé moris hela no partidu ne’ebé mate ona tuir lei la’ós mate tanba razaun saida, más tanba lei mak hatete la bele ona.
Entretantu, Partidu ne’ebé oras ne’e eziste iha Timor-Leste no sei konkore ba eleisaun prezidensiál mak hanesan, Frente Dezenvolvimentu Demokrátiku (FDD), Aliansa Mudansa ba Progresu (AMP), Movimentu Dezenvolvimentu Nasionál (MDN), Movimentu Sosial Demokrata (MSD), Partidu Republikanu (PR), Partidu Esperanca Pátria (PEP), Frente Revolusionariu Timor-Leste Independente (FRETILIN) no Partidu Demokrátiku (PD).
Jornalista : Rita Moniz
Assitente Editór : Felisberto Fernandes
