Lafaek News—Kareta off-Road ida (koor-mean) husi ekipa team ranching team baku fila iha suku Tibar rezultadu nia ajudante rasik ain karukkanek todan iha ain tuur iha ámbitu preparasaun Off-Road Tibar ba tinan ne’e.
Dezastre ne’e mosu hafoin Kareta offroad tama iha area kurida Tibar domingu (27/08/2023), ho halai ho vilosidade maka’as baku fila off-road duir an rezultadu ajudante ida ain kotu iha ain tuur iha area kurida.
Kareta ne’ebe hetan asidente hafoin kondutor hala tama no dulas bulante iha fatin offroad kareta monu hodi hanehan ajudante ain tohar iha parte karuk no kondutor hetan kanek iha liman
Iha dezastre ne’e vítima ba off-road ne’e sente moras hakilar (mama ha’u mate ona), latan an iha area kurida ran suli ho maka’as.
“Mama eeee, ha’u mate ona, ha’u nia oan foin ida kala ha’u mate husik ona oan ho fen,” vítima ne’e hakilar ho tanis.
Iha dezastre ne’e, komisaun ba preparasaun off-road ba tinan ne’e kontak kedan ambulánsia hodi evakua vítima ba ospitál hodi simu tratamentu.
Akontesimentu ne’e mosu iha oras tuku 4 loraik iha suku Tibar Aldeia Fatunia Postu administrativu Bazartete munisípio Likisá no eventu ne’e tuir planu sei realiza iha loron data 01/09/2023 hammutuk ho off-road sira husi NTT-RI, no fatin distinasaun iha Tibar.
Jornalista : Acacio Pinto
Editor : Agapito de Deus
