Lafaek News (Bobonaro)-Kandidatura Independente Isabel da Costa Ferreia hateten, hateten nia parte mai ho hanoin revolusaun mentál muda ema hotu nia hanoin tempu to’o ona atu partisipa iha dezenvolvimentu país nian retira usi terus no ki’ak.
Ha’u nia kandidatura ida ne’e mai mó ho hanoin ida atu revolusi mentál, muda ita hotu nia hanoin tanba tempu to’o ona ita partisipa iha dezenvolvimentu país nian atu sai husi ki’ak presiza ita nia sakrefisiu rasik, hisik kosar mak moris di’ak laos depende de’it ba lider sira atu sai atan nafatin, atu sai ki’ak nafatin, tinan lima-lima mai kolia nafatin liafuan liberta povu mais grupu ida mak riku ba bebeik, grupu ida mak boot ba bebeik, povu terus no ki’ak nafatin,” dehan Kandidata Independente Isabel Ferreira iha nia mini kampania iha suku Ritabou, munisípiu Bobonaro, kinta (10/03/2022).
Kandidata ne’e argumenta, Timor labele nune’e hela de’it no Timor atu halo ida ne’e ba povu ida ne’e tanba povu ida ne’e mós terus ba libertasaun ba patria.
Povu la merese terus iha ukun rasik-an ida ne’e, tanba ne’e ha’u kandidata-an atu hatudu dalan, ajuda ba familia sira atu sai husi terus no ki’ak ida ne’e,” hakotu Isabel Ferreira.
Jornalista : Juvita dos Santos
Editor : Agapito de Deus
