Lafaek News–Vise Diretor Judicial System monitoring Programme (JSMP) Casimíro dos Santos, hatete kazu pendente barak iha tribunál, maske nune’e esforsu buka meius oin-oin hodi solusiona.
Asuntu ne’e hatoo husi ekipa System Monitoring Programme (JSMP) hafoin remata enkontru semanal ho Prezidente Repúblika José Ramos Horta iha Palásiu Prezidensiál.
Ita haree katak kazu pendentes barak mak mosu iha tribunal distrital hotu-hotu, maibé agora dadaun hanesan ita boot sira bele akompania, Tribunál hala’o hela vizita ba Munisípiu sira atu bele hakbesik justisa ba iha povu, ne’e meius ida atu bele minimiza kazu hirak ne’ebé mak pendente hela”, dehan Vice Diretor JSMP Casimíro dos Santos segunda ( 20/06/2022).
Tuir Vise diretor JSMP ne’e katak, JSMP hanoin Tribunál durante ne’e halo hela esforsu másimu buka meius oin oin atu bele responde ba lakunas hirak ne’e.
Servisu Tribunál nian sira halo duni durante ne’e maske hasoru difikuldade barak, ho dezafiu neebé mak sira infrenta ldun tuir ita nia espetativa, maibé ami ko’alia ona ho Prezidente Repúblika nafatin fo apoiu nune’e lao nafatin ba oin”, deklara Vice JSMP.
Iha enkontru ne’e ekipa JSMP hatoo programa ba ne’ebé mak halo ona durante ne’e, hanesan halo monitorizasaun ba Parlamentu Nasionál, Tribunál no mos fo asisténsia legal ba vítima sira.
Jornalista : Rita Moniz
Editór : Agapito de Deus
