Lafaek News—Eis Prokuradór Jerál Repúblika (PJR), José da Costa Ximenes, hatoo agradesimentu ba governu iha ne’ebé halo kooperasaun institusional ho Prokuradoria perante mandatu no kontinua fó fiar ba PJR foin hodi kontinua servisu ba oin.
“Dala ida tan ami hato’o ami nia gratidaun agradesimentu ba kooperasaun entre prokuradória ho governu durante ne’e no ami fiar katak ho lideransa prokuradór jerál foun nian sei kontinua kooperasaun di’ak ho governu,” dehan Eis PJR José da Costa Ximenes ba Jornalista sira iha Rezidensia PM Farol Dili, tersa (25/05/21).
Eis Prokuradór Jerál Repúblika José da Costa Ximenes hateten, durante ne’e iha kooperasaun ne’ebé di’ak tebes no resentemente ho aprovasaun kuadru pesoál ba ofisiál Justisa ne’ebé foin públika iha loron 28 Abril 2021, alterasaun ba kuatru pesoál majestradu sira iha ministériu públiku nian no seluk-seluk tan, ne’ebé iha ámbitu kooperasaun entre Prokuradória Jerál Republika ho Governu.
Jornalista : Juvita dos Santos.
Asisten Editór : Pedro de Almeida
