Hakerek na’in :  Delsio Guimarães

Partidu Demokrátiku  funda iha Timor-Leste, loron 10 fulan Juñu tinan 2001 (tinan 20 liu ba) husi lider Rejistensia Foinsa’e Timor-oan Matebian Fernando La Sama de Araujo ho Foinsa’e sira seluk inklui  hamutuk ho Lider Registensia Klandestina FPI (Frente Polítika Interna) ho filosofia Partidu Demokrátiku nian maka Hanoin, Hari’I no Hametin.

Iha loron 30 fulan Augusto tinan 2001 Partidu Demokrátiku kompete iha eleisaun dahuluk ne’ebé orgniza husi Misaun Organizasaun Nasoens Unidas nian iha Timor-Leste, husi eleisaun ne’e PD manan ho votus 31, 680 ka 8.72%, hetan kadeira 7 (hitu) husi 88 ne’ebé maioria domina husi Partidu Fretilin ho kadeira 55, ho asentu parlamentar ne’e PD indika Kuadru sira hodi reprezenta Militante no simpatizante sira iha uma fukun Povu nian, entre fulan Setembru 2001 too Marsu 2002 membru Asembleia Konstituante liu husi Partidu Demokrátiku fo kontribuisaun signifikante, halo proposta, halo mos diskusaun sira produtivu, lidera komisaun tematika, sistematizasaun no harmonizasaun inklui asina Konstituisaun Republica Democratica de Timor-Leste.

Durante iha lideransa Prezidente PD Fernando La Sama de Araujo no Secretario Jerál Mariano Assanami Sabino Lopez. Deputadu Asembleia Konstituante husi Partidu Demokrátiku nain 7 mak hanesan Aquilino Ribeiro Fraga Guterres “Ete Uco”, Eusebio Guterres, SH, Samuel Mendonça, Ir. Mariano Sabino Lopes “Assanami”, Paulo Alves Sarmento “Tuloda”, Dr. Paulo Assis Belo “Funu Mata”no Rui Menezes, SE “Lebra”.

Iha loron 20 fulan Maio 2002, bainhira Konstituisaun RDTL tama em vigor, Asembleia Konstituante nakfilak-an ba Parlamentu Nasionál, PD sai opozisaun dahuluk iha Timor-Leste ne’ebé kualidade, seletivu no ativu, forte liu hamutuk ho Partidu ki’ik sira seluk hodi halo balansu ba Primeiro Governu Fretilin nian, hamosu pensamentu kritiku kontribui iha Parlamentu Nasionál bainhira halo diskusaun ba produto legislasaun sira, sai opozisaun kualidade, kritika lalaok Governu nian inklui fó solusaun ne’ebé fo benefisiu ba Povu Timor-Leste.

Fernando La Sama de Araujo ho firmeza, ho sentidu responsabilidade no fiar an, ho karater estadista ne’ebé nunka mihis atu servi  Povu Timor-Leste, La Sama klaramente publika nia kandidatura an ba Eleisaun Prezidensial, ho rekursu ne’ebé natoon, La Sama haleu teritoriu Timor-Leste hodi husu apoio nia sai Prezidente Repúblika,  La Sama kompete ho kandidatu sira husi Partidu Fretilin, Francisco Guterres Lu Olo, Francisco Xavier do Amaral, Jose Ramos Horta, no kandidatu sira seluk, rezultadu husi Eleisaun Prezidensial La Sama hetan terçeiro-lugar lugar ho total votus 77, 459 ka 19,18%.

Iha tinan 2007, Partidu Demokrátiku kontinua buras iha Repúblika Demokrátika Timor-Leste, aktu polítika sira ne’ebé PD iha sinál ne’ebé pozitivu, ho slogan “Hari Nasaun husi Baze” nudar Manifesto Eleitorál ka Programas Kampañia Eleisaun Jerál 2007 konkista Povu Timor-Leste no fo nafatin fiar liu husi eleisaun Parlamentár ne’ebé hatudu rezultadu Partidu Demokrátiku (PD) manan votus 46, 946 ka 11, 30%, hetan kadeira 8 husi kadeira 65, liu husi aprosimasaun polítika ho partidu sira seluk ne’ebé hetan asentu Parlamentar (konfirma kadeira CNRT no ASDT), halo dialogu polítika ho CNRT no koligasaun ASDT-PSD to’o iha komitmentu polítika ida hodi forma koligasaun partidu hodi hetan maioria parlamentár tuir Konstituisaun Artigo 106 tamba rezultadu eleisaun ne’e hatudu katak laiha Partidu ida ne’ebé maioria absoluta hodi forma mesak Governu, hafoin loby polítika halo antre Partidu sira, PD ho kadeira 8 hamutuk iha AMP, liu husi eleisaun sekreta iha Parlamentu Nasionál, Kandidatu Fretilin Dr. Aniceto Guterres kompete ho Kandidatu AMP nian mak Fernando La Sama de Araujo, rezultadu fo sai katak ho votus Maioria 41 kontra 24 husi Membru Deputadu sira ne’e tuir eleisaun hili Fernando La Sama de Araujo nudar Prezidente Parlamento Nasionál, durante lidera Parlamentu Nasionál ho lideransa La Sama nian, PN hamosu produtu lejislativu sira ne’ebé importante ba interese báziku Povu nian, La Sama ho zesto lideransa ne’ebé kalma, honestu akumulativu no asegura equilibriu husi forsa polítika opozisaun no mantein to’o segundu lejislativu remata ho susesu.

Ho aktu polítika iha Parlamentu Nasionál hatudu sinál pozitivu no garante ona Governasaun ida ne’ebé metin maka Prezidente Repúblika, Dr. Jose Ramos Horta fo oportunidade Aliansa Maioria Parlamentár (AMP) kompostu husi CNRT, ASDT, PSD no PD atu forma Governu hamutuk, AMP indizita Maun Boot Kay Rala Xanana Gusmão ba Primeiro Ministro, tamba partidu maios votadu la konsegue hetan solusaun ba formasaun Governu tuir Konstituisaun haruka.

Iha tinan 2007 – 2012, Partidu Demokrátiku nakonu ho lider Jerasaun foun, iha kapasidade intelektuál, estadista, nasionalista no PD sai autór prinsipal ida no alternativu ba formasaun IV Governu Konstitusionál RDTL ho AMP (Aliansa Maioria Parlamentar), Membru Partidu AMP nomeia Companheiro Eng, Mariano Assnami Sabino mak sai Prezidente AMP ba dahuluk iha Istória Koligasaun Partidaria iha Timor-Leste ho susesu . PD nomeia nia lideransa sira hamutuk iha Ukun AMP hodi rezolve Krize Polítika no Militar ne’ebé mosu iha 2006, PD nia programa hamosu vizaun ba Estadu pensamentu oinsá mak moderniza sistema Governasaun ne’ebé diak tuir slogan harii Nasaun husi baze iha Timor-Leste.

Depois de eleisaun Parlamentar 2012, PD ho kadeira 8 obriga formasaun V Governu Konstitusionál liu husi loby no diskusaun polítika hamutuk ho Partidu CNRT no Frenti Mudansa tamba laiha partidu ida manan maioria hodi ukun, nune’e uza nafatin Espirito servi Estadu hodi fokus ba program PD nian balun tuir kompromisio eleitorál, PD kontinua mantein oferese nia matenek nain sira ne’ebé mos Timor-oan sira nia matenek iha area Infraestrutura Baziku, Edukasaun, Agrikultura, Komersiu Industria hodi hadia vida ekonomia Povu, PD kontinua nia afirmasaun polítika hodi defende fronteira maritima ne’ebé sai interese nasionál.

Tinan 2017-2018 no tensaun Polítika 

* Rezultadu Eleisaun Parlamentar tinan 2017, Partidu sira ne’ebé hakat liu bareira eleitorál 4% mak hanesan Fretilin hetan kadeira 23, CNRT kadeira 22, PLP hetan kadeira 8, PD hetan kadeira 7 no Khunto hetan kadeira 5.

* 11 de Augusto 2017, PD halo enkontru ho Partidu FRETILIN kona ba formasaun Governu nian, enkontru refere halo iha Salaun Novu Turizmu, ba Media sira hafoun enkontru remata, Prezidente PD hateten katak “PD sempre aposta ba interese Eatad, hanoin aberta ba dialogu hodi hare ba interese estadu no Nasaun”iha okaziaun hanesan Assanami informa katak sei lori rezultadu enkontru ne’e ba iha nivel strutura partidu, nune’e hatoo fila fali PD nia pozisaun iha formasaun Governu ba enkontru daruak ho Fretilin.

* 13 Setembru 2017, PD no Fretilin asina kordu polítika ba Formasaun Governu da hitu iha CCF, ba Media sira hafoin  asina akordu poilitiku ne’e, Prezidente PD hateten katak “PD sempre dehan katak “Ba o Timor, ami Maubere oan prontu servi”ohin dia too ona tempu atu bele asina akordu ne’ebé mak iha, ami konsistente nafatin kata kami viabiliza atu ukun ne’e be;e servi no dignifika Timor-oan tomak, labele tan iha disktriminasaun ba Timor-oan hotu” tuir lolos akordu ne’e mos asina husi KHUNTO maibe Sekretari uJeral Fretilin afima katak “iha problema interna Khunto nian mak seidauk resolve, maibe ami mos labele hein ona. Tamba ne’e Fretilin no PD desideatu lao on aba oin”.

* 15 Setembru 2017, Prezidente Repúblika Francisco Guterres Lú OLO ofisialmente fo pose ba Primeiro Ministro Mari Bim Amude Alkatiri no membru Governu hamutuk nain 11. Durante iha nia diskursu iha Palacio Nobre Lahane Dili, PR Lú Olo afirma katak “Fo pose ba Membru Governu foun, tuir regras Konstitusaun RDTL nian no ne’ebé kontribui ba estabilidade no funsionamentu normal instituisaun sira nian,, setimo Governu Konstitusional forma tuir oinsá Povu vota no mai husi akordu entre partidu polítika rua iha Parlamentu Nasionál”-nia hatutan tan katak “ iha tinan lima tuir mai, atu lori pais ida ne’ebé kiak tebes, ba pais ida ne’ebé ho rendimentu mediu no as ho mukit laek ho ekonomia diversifikada no sustentavel”. Kuadru PD ne’ebé hetan pose dahuluk iha loron ne’e maka Adriano do Nascimento nudar Ministru na Prezidencia Conselho Ministro, Antonio da Conceicao nudar Ministro de Komérsiu no Indústria no Lurdes Maria Besa nudar Vise Ministra da Edukasaun no Kultura.

* 03 de Outubro 2017, Prezidente Repúblika Francisco Guterres LU OLO fo pose ba membru Governu oitavo GoverNu Konstitusional. Etapa daruak nian iha Palacio Nobre Lahane Dili, ”. Kuadru PD ne’ebé hetan pose daruak iha loron ne’e maka hanesan Eng. Mariano Assanami Sabino nudar Ministro de Estadu e Ministro dos REcursos Minerais, Jose Anuno nudar Vice MInistro da Administração Estatal, Jacinto Gusmao nudar Vice Ministro do Comercio e Industria, Nivio Leite Magalhaes nudar Secretaria de Estadu da Juventude e do Trabalho.

* 13 de Outubro 2017, Prezidente Repúblika Francisco Guterres LU OLO fo pose ba membru Governu oitavo Govenru Konstitusional. Etapa datoluk nian iha Palacio Nobre Lahane Dili, ”. Kuadru PD ne’ebé hetan pose daruak iha loron ne’e maka hanesan Rui Menezes da Costa nudar Vice Ministro do Turismo.

 * Loron 20 Outubro 2017, Programa VII Governu la pasa, Bankada opozisaun CNRT, PLP no KHUNTO iha Parlamentu Nasionál (PN), aprezenta mosaun rejeisaun hodi rejeita programa VII Governu nian, tanba konsidera programa ne’e la bazeia ba konstiuisaun no la garante estabilidade Governativa ba tinan lima nia laran. Mosaun rejeisaun ne’e, aprovadu iha PN ho votus a favor 35 kontra 30 no abstensaun 0.

Loron 05 fulan Dezembru 2017 Prezidente Parlamentu Nasionál baixa ona proposta Orsamentu Retifikativu (OR) ba Komisaun Espesializa atu deskute no halo audensia, maibé Bankada Opozisaun iha Parlamentu Nasionál kontinua la hatudu vontade atu koopera hodi deskute assuntu ne’e no sira kontinua blokeia servisu komisaun espesializada nian. Entertantu opozisaun sira ba fali plenária hodi dere Sinu no obriga konvoka plenária maske agenda laiha. Natureza iha Parlamentu Nasionál wainhira Orsamentu Jerál Estadu (OGE) eh Orsamentu Retifikativu (OR) baixa ona ba Komisaun espesializada, mak aktividade sira seluk iha PN tenki hapara, nune’e bele foka ba diskusaun.

Tinan 2018

* Iha loron 26 de Janeiro 2018, Prezidente da Repúblika, Francisco Guterres Lu Olo deklara sizolve Parlamentu Nasionál tuir Konstiruisaun da Repúblika Artigo 86 Alinea f. (Disolve Parlamento Nasionál) no Deklara ba Eleisaun Antisipada.

* Iha loron 07 Fevreiru 2018 Prezidente da Repúblika Francisco Guterres Lú-Olo determina loron ba Eleisaun Parlamentár Antesipada ne’ebé sei halo iha loron 12 fulan Maiu 2018. Desizaun Prezidente nian ne’e mai nu’udar rezultadu hosi impase polítiku ne’ebé akontese tanba hafoin Governu VII ne’ebé hetan apoiu husi deputadu sira minoria 30 kadeira, Governu ne’ebé lidera hosi Primeiru Ministru Dr. Mari Alkatiri nia programa la pasa iha Parlamentu Nasionál.

 * 10 de Marsu 2018, Partidu Demokrátiku realiza konferensia nasionál ho tema “Hakuak, Hametin no hatutan libertasaun Povu nudar kauza nasionál”. Iha aktividade konferensia nasionál ne’e, Sekretariu Jeral Partidu Fretilin, Dr. Mari ALkatiri hato’o nia diskursu polítika hodi konsidera katak PD hanesan jerasaun foun ne’ebé uniku tamba kontinua eziste hodi partisipa aktivu iha Dezemvolvimentu nasionaql durante tinan 15. “PD ita bele dehan moris depois de referendum, maibe uniku tamba nafatin eziste” nia hatutan katak PD moris iha ambiente demokratiku hodi haburas demokrasia, pas, no estabilidad, moris ho espiritu Joven, karater joven no moris ho determinasaun juventude”. Nia mos louva PD “tamba PD ho nia strutura metin too baze hodi avansa mesak ba Eleisaun Antisipada, ne’e hatudu momos katak PD Partidu Futuru”.

* 09 de Abril 2018, PD remata kampaña ba eleisaun antisipada iha Munisipiu Dili. 

* 28 de Maio 2018 Tribunal Rekursu liu husi Juiz Prezidente Tribunal Rekursu, Deolindo dos Santos anunsia rezultadu eleisaun antisipada AMP manan ho total votus 309, 663 (49,6%) fahe ba kadeira 34, Fretilin manan daruak ho total votu 213, 324 (34,2%) kadeira 23, tuir fali Partidu Demokrátiku (PD) ho total votu 50, 370 (8.1%) fahe ba kadeira 5, Partidu Koligasaun Frente Dezemvolvimentu Demokratiku (FDD) hetan votu 34, 301 (5.5% fahe ba kadeira 3).

Ho tinan 20 ezistensia PD nian kontribui ona buat lubuk ida ba ita nia Rai Doben Timor-Leste, PD kontinua firme ho buras ba nafatin iha Timor-Leste hodi banati mehi funu nain sira nian atu Povu Timor-oan sira nian bele moris prospero, hakmatek no hadomi malu nudar Maubere-oan.

 * Autor: Delsio Guimarães

 Hela iha Dili, #Telefone 7728 2642

 “Hanoin hotu ne’ebé hatuun iha artigo ne’e nudar opiniaun pessoal no la reprezenta instituisaun/organizasaun Independente ne’ebé autor servisu ba!”