Lafaek News—Ajénsia Kooperasaun Internasionál Japaun (JICA) apoiu material prevensaun Covid-19 ba Sekretáriu Estadu Protesaun Sivíl (SEPS) hodi fasilita mediadór bainhira hala’o atividade iha munisípiu.
Xefe Reprezentante JICA iha Timor-Leste, Goto Ko, hatete, ekipamentus ne’ebé entrega ba diretór jerál SEPS maka hanesan balde 13 (enxe bee litru 100), hand sanitizer, scanner thermometer unidade 13, máskra kaixa 3.
Serimónia entrega material ne’e ba mediadór SEPS liu husi Diresaun Nasionál Prevenesaun Konflitu Komunitaria (DNPKK) atu bele prevensaun Covid-19.
“Fornese sasan ne’e atu haruka ba mediador sira iha munisipiu 13, atu bele fasilita sira nia atividade prevenesaun ba Covid-19 iha Timor-Leste,” dehan xefe reprejentante JICA, Goto Ko, ba jornalista Sira iha salaun Ministeriu Interior, sexta, (26/2/2021).
Nune’e mós nia relata, liu husi ekipamentu sira ne’ebé apoiu atu halo prevensaun Covid-19, enkuantu orsamentu ba materiais ho montante rihun rua ($2).
Iha fatin hanesan, diretór jeral SEPS, superentendente polísia, Ismael da Costa Babo, hatete ekipamentu prevensaun Covid-19 ne’ebe JICA apoiu ne’e reprezentante husi governu Japaun ba Timor-Leste no mós kooperasaun di’ak ho DNPKK hodi fasilita mediador no komundade sira iha munisípiu.
“Ekipamentus sira ne’e sei koloka ba koordenad’or iha 13 munisípiu atu fasilita sira nia protesaun pessoal, no mós fasilita ba ita nia komunidade sira atu uza, bainhira mediadór halo reniaun ho ita nia komunidade sira, ekipamentu ne’ebé JICA oferese sufisiente la sufsiente ita sei halo distribuisaun atu munisípiu sira hotu uza kedas ekipamentus sira ne’e,” dehan diretór.
Jornalista : Joni Mau Risa
Asisten Editrór : Pedro de Almeida
