SAÚDE · 16 Mar 2021 11:59 ·

JICA Apoiu Ekipamentus Prevensaun Covid-19 Ba HNGV


JICA Apoiu Ekipamentus Prevensaun Covid-19 Ba HNGV Perbesar

Lafaek News—Governu Japaun liu husi Japan International Cooperation Agency  (JICA) iha Timor-Leste, entrega ekipamentus prevensaun COVID-19 ba Ospitál Nasionál Guido Valadares (HNGV), hodi apoiu professional saúde sira kombate surtu COVID-19.

Xefe Reprezentativu JICA iha Timor-Leste, Goto Ko informa, espera ekipamentu sira ne’e bele proteje professional saúde sira hosi moras COVID-19 wainhira halo sira nia knaar loron-loron tanba da-daun ne’e númeru kazu positivu sempre aumenta.

“Ekipamentu sira ne’e sei koloka ba iha professional saúde sira ne’ebe servisu ba Kontrolu no Prevensaun ba Moras Infesioza, Farmasia no nutrisaun, iha Departamentu Apoiu Klíniku no Diágnoza,” dehan Xefe Reprezentativu JICA Goto Ko ba jornalista iha HNGV Dili, Segunda 15/03/2021.

Apoiu ekipamentu prevensaun ne’e hanesan kontinuasaun kooperasaun entre JICA no HNGV, tanba antes ne’e ema hotu hatene ona katak JICA mos iha kooperasaun di’ak ho  ministériu Saúde Timor-Leste no apoiu ona HNGV liu hosi destakamentu JICA nia voluntariu sira.

Diretór Ezekutivu HNGV, Aniceto Barreto, haktuir nia parte  appresia tebes ba apoiu hirak ne’e no konsidera ekipamentu prevensaun covid-19 ne’e importante tebes liu-liu iha situasaun atual.

“Ha’u nafatin fo hanoin ba professional saúde sira atu mantein uza nafatin ekipamentu protesaun bainhira hala’o kna’ar nune’e bele hadook ita boot hosi perigu surtu COVID-19,” Diretor Ezekutivu HNGV ne’e esplika.

Entretantu, ekipamnetus prevensaun hanesan; alkól, maskra, hand sanitizer, luvas ba sirurjia no sabaun sira, nune’e ekipamentus hirak ne’e entrega simbolikamente hosi Xefe Reprezentativu JICA Timor-Leste, Goto Ko ba Diretór Ezekutivu HNGV, Aniceto Barreto iha HNGV.

 

Jornalista          : Orlando Magno

Editora              : Nelya Barros

1,214 Views
Artikel ini telah dibaca 11 kali

badge-check

Editor

Baca Lainnya

MS Asina MoU ho Universidade Tazmania Atu Hakotu Mortalidade Maternal iha TL  

22 September 2023 - 15:27

CVTL Liu Husi Banku de Sangue  Hala’o Atividade Doasaun Ran Iha Fundasaun PAX

31 August 2023 - 14:08

MAP-MS Ameasa Virus Rabies Sei La Tama TL “Labele Pániku”  

2 June 2023 - 15:04

Pasientes HNGV 200 Resin La Ezerse Direitu Votus

21 May 2023 - 15:20

“Merese” Kondekora Médiku Cubanu 71

9 May 2023 - 12:31

Komunidade Berkoli Simu Tratamentu Matan Husi Klibur  Profisional Partidu CNRT

3 April 2023 - 17:09

Trending di SAÚDE