Lafaek News–Eis Prezidente Repúblika José Ramos Horta, apoiu tebes Asosiasaun Feto Jornalista Timor Leste (AJFTL),ne’ebe mak fundador husi feto jornalista sira iha instituisaun media hirak iha Timor Leste.
“Imi nia asosiasaun jornalista feto Timor Leste, hanesan estratejia no promove liután oportunidade ba feto jornalista sira,liu husi formasaun no apoiu solidariedade entre feto no ema sira ne’ebe mak buka apoiu,ne’e inisiativa positivo,”.Esplika Novel da paz,Jose Ramos ba jornalista sira hafoin hasoru malu ho fundador AJFTL,iha farol segunda (2/08)
Lider diplomata ne’e fo mos parabens ba inisitiva feto jornalista sira iha Timor Leste, no buka apoiu no tane igulaidade jeneru oinsá loke odamatan fo oportunidade ba feto sira iha instituisaun media oi-oin hodi hetan pariadade entre feto mane iha direitu hanesan inklui ezerse funsaun hanesan.
Eis Premiadu Nobel ba Paz ne’e dehan, nudar Timor-oan ida, ita apoia liu-liu ba iha labarik kiik oan sira atu hetan oportunidade ba iha eskola, kuandu iha família oan barak liu ba la fo oportunidade ba feto atu eskola, maibé fo liu ba mane sira.
‘’ Ho inisiativa ida ne’e fo rezultadu, no primeiru iha klase jornalista sira no oportunidade liutan ba iha media privadu no media públiku,’’ Horta tenik.
Fatin hanesan fundador AJFTL, Suzana Cardozo hatete ,asosiasaun feto jornalista Timor Leste (AJFTL), ne’e imoprtante tebes atu feto jornalista bele tau importansia ba iha sensibilizasaun ba jenéru no asuntu ne’ebé importante liu ba iha feto sira nia kn’ar no partisipasaun iha area hotu-hotu.
“Feto aileba sira ne’eba mak laih atensaun no feto sira ne’ebe mak servisu iha buruh kasar ,tanba ne’e ita nudar feto no AJFTL tenke haree liu ba iha feto nia partisipasaun,” dehan Fundador AJFTL Suzana Cardozo/
Fundadór AJFTL ne’e mos husu atu jornalista feto sira mos tenke atu atensaun ba iha kampañia ne’ebé besik ona oinsá atu haree liu ba feto maluk sira ninia partisipasaun iha kampañia ne’ebé atu mai iha 2023, no mos iha area kobertura tenke envolve mos fontes feto.
Jornalista : Sabina Barreto Klau
Editor : Agapito de Deus
