Lafaek News—Partidu Asosiasaun Sosial Demokrata Timorense (ASDT) da-daun ne’e hili ona figura atu kandidatura ba eleisaun presidenziál 2022-2027.
Tuir Prezidente Partidu Asosiasaun Sosiál Demokrata Timorense (ASDT), Francisco da Silva informa, lei husi tribunal rekursu deklara ona katak ASDT la kompete iha eleisaun prezidensial ba periódu 2022-2027, maske nune’e kontinua avansa ho figura ne’ebé hili ona.
“Dadaun ne’e ami iha ona figura balun ne’ebé mak atu kandidata an ba Presidente Repúblika ba periodu 2022-2027,” dehan Presidente ASDT, Fransisco da Silva iha Fomentu II, Segunda (02/08/2021).
Nia dehan, seidauk bele publika sai nia identidade katak se mak atu kandidata an, tanba Presidente Republika Fransisco Guterres Lu-Olo, seidauk anunsia data ba kandidatura no elisaun nian.
“Agora dadaun ne’e ami mós prepara ona eleitoral hamutuk rihun 15 hodi prepara ba iha elisaun presidensial 2022-2027,” dehan presidente.
Iha Sorin seluk Sekretaia Jeral Partido ASDT, Norberto Pinto hatutan, relasiona no desizaun ne’ebé Tribunal Rekursu fó sai katak, partidu ASDT tuir lei mate ona labele kompete iha eleisaun tuir mai, maibé pardidu ASDT kontinua lori karta ba Tribunal Rekursu atu bele kompete.
“Ami hato’o ona karta ba Tribunal Rekursu, maibé notifikasaun ne’e ami simu nafatin hanesan ne’e, maibé ikus liu fulan agusto ka Setemberu nia laran lori karta ba, dadaun ne’e prepara ona kriteiria sira tuir lei haruka,” nia esplika.
Ikus liu nia informa, partido ASDT, moris la’os atu kaer ukun, maibé ASDT hanesan bee matan ida ne’ebé mak fó buras no matak malirin ba Timor-Leste, tanba ne’e tenke eziste no avansa ba oin.
Jornalista : Rita Moniz
Asisten Editór : Pedro de Almeida
