Lafaek News— Ahi han uma ida iha Aldeia Luadau, Suku Baduro, Postu Administrativu Lautém, Munisípiu Lautém, hodi rezulta vítima lakon sasán tomak iha akontesimentu ne’e.
Insendíu ne’e akontese iha bairru Sika, aldeia Luadau, iha oras 12 : 40, (meiu dia), bainhira uma na’in sai hotu ba halo toos no hela oan sira mak hein maibé la hatene loloos kauza hosi asidente refere.
Vítima Tomás da Silva, haktuir bainhira jagoan me’an (ahi) komesa han ona uma, maka viziñu sira hare hodi hakilar más la konsege halo atuasaun ba insidente refere tanba ahi komesa makas hodi han hotu sasán inklui uma.
“Ha’u la espera derepenti ahi han ona uma. Ne’ebé ha’u hakat mai no lori be’e hodi rega, maibé la konsege tanba ahi han hotu uma no sasán,” Tomás afirma ba Lafaek News foin lalais ne’e.
Hatutan nia, ho akontesimentu ida ne’e sente triste tanba la iha sasán ida mak bele salva.
“Sasán sira iha uma laran, hanesan roupa ki’ik to bo’ot ahi han moos hotu, inklui mós osan ne’ebé maka ha’u tau iha kofre ho montante $300, inklui sasán dapur bikan, kanuru,” nia salienta
Jornalista : Aniceto Dias
Editór : Ezequias Tomás
