Lafaek News—Tuir informasaun ne’ebé espailla iha públiku katak ba periodu 2021 laiha osan atu halo dezenvolvimentu iha rai laran, maibé parte tekniku Programa Nasionál Dezenvolvimentu Suku (PNDS), kontinua hala’o servisu hanesan servidor estadu.
“Ida ne’e responsabilidade governu nian se buat ruma akontese governu maka sei deklara ba públiku, mas hanesan tekniku ami sei kontinua nafatin servisu hanesan servidór estadu,” dehan Diretora PNDS, Claudinha Soares Pinto, ba lafaek news iha nia kna’ar fatin foin lalais ne’e.
Diretora esplika, liga ho situasaun polítika agora kona-ba isu ida katak osan lamai depois promesa komprimisu sira ne’e ba komunidade sira, maske nune’e maibé PNDS kontinua servisu bainhira iha ona orientasaun husi superior maka foin retira.
“Ita hakarak iha tiha kedas serteza maka ita foin servisu ne’e sei la avansa no hela ho duvidas, tan ita hein hela serteza ne’e bainhira maka atu mosu mai, ami tenke avansa ho programa ne’ebé maka iha, labele hein katak osan ne’e mai ona maka ita halo atividade sira ne’e hotu, maske osan iha ga laiha komitmentu governu ne’ebé aprovadu programa governu nian hanesan ne’e nafatin ita kontinua, ate ita hetan despaisu katak buat hotu laiha no retira husi fatin foin ami retira,” nia esplika.
Nia hatutan, haree ba situasaun ril ne’ebé iha, dala ruma ema dehan PNDS fo risku ba nia an rasik, tanba halo komprimisu ba povu.
“Ha’u hanoin risku bot ida tanba ita la’o iha komuindade nia leet ema dehan PNDS mai komprimisu bosok mai iha komunidade maibé atu dehan tan halo nusa ne’e situasaun ida ne’ebé ultrapasa wainhira buat sira ne’e los hotu,”nia infroma.
Maske nune’e, diretora nafatin esforsu no kaer moto ida katak ‘servisu nonok resultadu maka halo barullu’ liafuan ne’e motiva nia hodi enkoraja nia feto maluk no funsionariu sira nafatin hala’o servisu hodi servi povu no desenvolve rai ida ne’e.
“Ha’u sempre fo hatene ba ha’u nia funsionariu sira katak se nia bele ha’u mos bele, ‘servisu nonok nia resultadu maka halo barullu’, tempu to’o ona ita feto mos hatudu ita nia kapasidade no vontade halo servisu hodi servi ita nia povu,” nia hakotu.
Jornalista : Pedro de Almeida
Editora : Nelya Barros
