Lafaek News (Lautém)–Kandidatu eleisaun prezidensial periodu 2022-2027, Isabel Ferreia utiliza tempu mamuk hodi vizita kbiit laek uma kain tolu iha iha suku Fuiloro ho suku Mehara, postu-administrativu Lospalos munisipiu Lautem.
Isabel da Costa Ferreira argumenta, objetivu husi vizita familia kbi’it-laek sira la’os depois kandidata-an ba prezidente mak foin hala’o nia atividade, maibé antes atu kandidata an ba prezidente repúblika realiza ona programa ne’e iha fundasaun Quesadhip Ruak.
Prátika ka realiza antes kandidata-an ba prezidente hodi hala’o mini kampania tanba ne’e ha’u hakarak mai vizita hodi rona, atu nune’e saida mak ha’u bele ajuda, tanbá la’os ha’u kandidata-an bá prezidente mak ha’u hakbesik ba ita nia familia kbi’it laek, kiik-oan joven sira la’e,” dehan Isabel Ferreira iha suku Mehara, postu-administrativu Lospalos, munisípiu, sexta foin lalais ne’e.
Relasiona ho vizita ne’e, kandidatu númeru sorteiru 1 vizita uma kain kbiit laek uma kain 3 ne’e sei kria kondisoens servisu ba na’in ida husi familia kbi’it laek Maia da Silva ho Livio Sarmento iha suku Mehara, postu Tutuala, Aleinde ne’e sei fó bolsa estudu ba ema na’in rua no konta de bebé ba familia kbi’it laek hirak ne’e.
Iha fatin hanesan, Koordenadór ekipa susesu kandidatura Isabel da Costa Ferreira, Laureano Fernandes informa, ho meius envolvimentu polítiku no liu husi ida ne’e bele halo influénsia ba iha órgaun ezekutivu no iha nasaun viziñu sira, atu nune’e bele akomoda tanba bolsu estudu ne’ebé governu s hasai presiza liuhusi kritériu, maibé bolsu estudu ne’ebé fokus bá kbi’it laek sira sei la tuir kriteiru, maibé hakarak atu fasilita sira hodi asesu hotu ba edukasaun.
Ita hare’e durante ne’e familia barak mak nia oan la hetan bolsu estudu husi governu liu-liu familia kbi’it laek sira, entaun liuhusi kandidata Isabel nian hakarak halo influensia ida ne’ebé mak masimu liután, atu nune’e nasaun sira seluk bele ajuda timor oan sira la hare’e bá nia valór no kondisaun,” deklara Koordenadór ekipa susesu Laureano Fernandes.
Durante ne’e fundasaun fasilita ona familia kbi’it laek nia oan hamutuk 50 liuhusi bolsa estudu hodi ba estuda iha Xina, maibé liuhusi influénsia ida ne’e ki’ik-oan liu, neduni nia hakarak kandidata-an ba prezidente atu nune’e bele akomoda tan familia kbi’it laek sira.
Enkuantu kandidata Isabel Ferreira mai ho valór ida ne’ebé atu hametin no haburas fila-fali familia iha patria, husi valór sira ne’e hodi haburas fila-fali sosiedade ne’ebé moris ho ki’ak no mukit.
Jornalista : Juvita dos Santos
Editor : Agapito de Deus
