Lafaek News—Institutu Nasional Kombate HIV-SIDA (INCSIDA) kontinua hala’o sensibilizasaun informasaun HIV-SIDA ba estudante Universidade da Paz atu bele kuidadu-an evita sedu seksu livre no ransu livre.
Prezidente INCSIDA, Daniel Marcal Informa atividade deziminasaun ne’e importante tebes ba estudante atu nu’une sira bele komprende moras HIV-Sida hodi bele prevene-an husi moras hodi bele asegura sira nia saúde iha futuru.
“Atividade refere atu fo hanoin ba malu hodi alkansa estudante sira nia mehi ba futuru tanba ba joven sira agora ladun kuidadu ba iha sira nia saude, se ita la haree ita nia estudante no joven sira la kuidadu an ita labele kompete ho asean, lakleur tan ita tama ba asean ema barak liu-liu joven sira asean mai iha Timor, ita atu kompete ho sira oinsa ita hasa’e joven nia koñesimentu no husu ba joven sira sira tenki badinas estuda alende ne’e moos joven tenki kuidadu sira nia saúde atu nune’e ita nia nasaun mos sai forte liután,”Prezidente INCSIDA, Daniel Marcal ba joranalista sira iha salaun INCSIDA pantai-kelapa Sesta 21/03/2025/.
Nia argumenta, planu INCSIDA ba oin mak kontinua sosializa informasaun ba estudante sira iha munisípiu atu sira mos bele kompriende HIV-SIDA ne’e saida no nia impaktu oinsá, fo hanoin sedu nune’e estudante sira bele prevene-an husu moras ne’e.
Iha Fatin hanesan reprezentante Dekanu Kakuldade Siénsia Saúde UNPAZ, Xefe Departementu Epidemolozia Saúde publika, Mariana Freitas, hatoo agradese ba INCSIDA nia programa, liu husi senseblizasaun ne’e bele aumenta koñesimentu estudante sira nia hanoin hodi bele prevene an sedu.
“Agradese ba Incsida Nia programa Tamba Liu husi sensebilizasaun ba estudante sira nee hanesan aumenta konesimentu iha area universidade nian liu-liu ba fakuldade Saude publika no Siénsia medika, tanba iha lisaun balu ne’ebé ko’alia mos kona-ba moras hada’et no moras la hadaet informasaun ne’ebé dezamina ba estudante sira ne’e bele reforsa estudante sira hodi prepara materia ba iha peskiza, oinsá sira buka klean liután Kona-ba problema saúde ne’ebé da-daun espalla liu-liu moras HIV-SIDA, tanba kauza Ida ne’e risku liu ba joven sira. nia Informa.
Jornalista : Moises Guterres
Editor : Agapito de Deus
