Lafaek News–Inan faluk Isabel de Jesus ho idade 57 hela iha Bidau Akadiru-hun, preukupada bainhira hasoru udan anin tanba uma nia kondisaun la seguru.
Inan faluk Isabel de Jesus espresa ho sentimentu triste hateten kondisaun uma la diak ona no hakarak atu hadia fila-fali nia uma, maibe osan laiha, maine parte relijiozu madre no padre sira sempre mai hodi haree diretamente inan faluk ne’e nia uma, no atu halo fila-fali maibe to’o agora seidauk realiza.
“Ha’u triste tamba ha’u nia uma la diak ona bainhira udan ha’u ho ha’u nia oan ba hela vizinu sira nia uma, tanba udan bo’ot be’e sempre tama ba uma laran hau atu hadia fali ha’u nia uma, maibe ha’u nia kbiit la to’o husi parte relijioza sira mak sempre mai hare’e hau nia uma,”afirma faluk ba lafaek news iha suku Akadiruhun, (14/10/2021)
Nia dehan, momentu akontese inundadaun iha fulan kotuk bee tama uma laran nia sasan sira ne’e la aproveita inklui nia oan nia dokumentus eskola nian, maibe momentu ne ‘e nia maluk sira hetan sasan husi parte relevante sira, maibe la hetan buat ida.
“Foin lalais inundasaun be’e tama ba uma laran hau nia sasan sira nee la aproveita ida no hau nia oan nia dokumentus eskola nian,sira mai foti dadus kona ba inundasaun nian hau hakerek tiha hau nia naran,hau nia maluk sira seluk simu sasan maibe hau la hetan buat ida,”dehan faluk
Observasaun lafaek news iha rezidensia inan faluk ne’e nian nota katak bainhira tempu udan susar bo’ot ba inan faluk Isabel ho nia oan atu hela iha uma laran, tanba udan tama husi kalen kuak, sente la hakmatek bainhira anin nia vilosidade boot, kalen nia kondisaun fruzen no kuak hotu ona.
Jornalista : Domingas Viana
Editor : Agapito de Deus
