Lafaek News—Xefe suku Leuro postu administrativu Lospalos munisípiu Lautém, Carlito Viegas, triste no lamentavel ho Banku Nasional Komérsiu Timor Leste (BNCTL), taka sistema pagamentu subsídiu idozus ba suku Leuro.
“Sente triste tanba BNCTL kansela orário Pagamentu ba Idozus sira iha suku Leuro ho razaun Taka sistema Pagamentu, antes ne’e orário taka sai ona katak suku Leuro ho Kakavei nia Idozu sira taka sai katak loron 30 Dezembru simu osan Idozus, maibé BNCTL rasik kansela, maske idozus sira hein iha suku kuaze dader too loraik, maibé Banku deside la selu tanba taka orsamentu tinan 2023,” katak xefe suku Leuro ba lafaek news iha suku Leuro foin lalais ne’e.
Idozus ho defisiensia sira husi suku Leuro Lospalos la’o fila nonok ba sira nia uma hafoin simu informasaun katak BNCTL taka sistema pagamentu. imajen Acacio Pinto.
Carlito fundamenta, nia rasik sente triste, tanba MSSI antes fahe informasaun ba xefe suku no administrador, maibé la esplika klean kona-ba oráriu pagamentu, no ekipa BNCTL liu husi suku refere inform aba autoridade lokál sira hodi halibur ferik-katuas sira, bainhira ferik ho katuas sira kompleta ona derepente kansela ho razaun Sistema taka ona.
“Ha’u triste tanba MSSI antes ne’e fo Informasaun ba xefe suku no admistrador rasik mos la hetene oráriu pagamentu, maibé ekipa BNCT rasik dader ne’e mai dehan ba ha’u katak ohin simu osan Idozus, tanba xefe suku ho xefe aldea Informa ba subsidario sira halibalur iha suku Hein ldader to loraik maibé Banku rasik kansela Pagamentu ho razaun taka orasamentu tinan 2023,” katak xefe suku ne’e.
Xefe suku ne’e lamenta, BNCTL hatene katak atu taka Sistema pagamentu ba idozus, hateten lolos ba xefe suku nune’e labele halibur ferik ho katuas no faluk sira, ferik-katuas sira la’o ain husi dook too iha suku hein husi dadeer too lokraik saugate de’it, kuitadu sira fila-fali ba ida-idak nia uma ho laran moras.
“Ha’u triste liu tanba sira mak dehan ha’u informa ba subsidáriu sira mai hotu sede suku, maibé sira fila husi suku Kakavei mai dehan kansela, halo ha’u triste, tanba ha’u nia idozu sira hein hahú tuku 2 too tuku 4 resin BNCTL kansela fali loron Pagamentu,” Carlito lamenta.
Dadus idozus husi suku Leuro ferik ho katuas inklui ho faluk sira hamutuk ema nain 80, inklui ho ema ho kondisaun defisiénsia hamutuk nain 5, tenke fila nonok ba uma la ho esperansa.
Iha sorin seluk, idozu Albino da Costa, triste loos, tanba simu tiha ona informasaun husi xefe suku dehan atu mai sede suku hodi simu osan idozus, maibé halibur malu tiha iha sede suku, rona fali informasaun katak BNCTL kansela ona pagamentu subsídiu idozus suku Leuro.
“Sente triste tanba autoridade lokál haruka ami katuas sira ba, maibé sira dehan kansela ne’e hatudu katak sira halimar ho servisu tanba, agora telfone iha, maibé nusa mak sira la komunika malu atu ami labele hein kleur, maibé derepente Informasaun mai ami ba hein dehan mai kansela fali, ida ne’e ha’u konsidera sira halimar ho servisu no halo inan-aman nia kolen saugatu de’it tanba ami iha foho udan no anin boot, maibé ami tenke ba, maibé mai dehan laiha fali tanba husu atu ba oin presiza halo kordenasaun diak ho autoridade lokál,” dehan idozu Albino.
Jornalista : Acacio Pinto
Editór : Agapito de Deus
