Lafaek News—Embaixadór Japaun ba Timor-Leste, Tetsuya Kimura enkontru ho Prezidente Repúblika José Ramos-Horta, aborda asuntu kooperasaun bilateral entre Timor Leste ho Japaun
Iha reuniaun ne’e, Embaixadór Japaun ba Timor-Leste, lori povu Japaun nia naran agradese ba sosiedade povu TL ne’ebé hato’o solidaridade ba povu Japaun, relasiona ho rai nakdodo ne’ebé estraga infra-estrutura barak no ema balun lakon vida.
“Ohin ha’u atualiza ba Prezidente Repúblika kona-bá relasaun bilaterál no kooperasaun entre Timor-Leste ho Japaun,” hateten Tetsuya Kimura, hafoin remata enkontru ho PR José Ramos-Horta iha Palásiu Prezidensiál Bairo-Pité Díli, Kinta-Feira (18/01/2024).
Xefe diplomata Japaun iha Timor Leste ne’e mós hato’o agradesimentu ba Prezidente Repúblika kona-bá solidaridade no simpatia husi Governu Timor-Leste ba vítima afetu husi terramotu iha Japaun, inisiu tinan ne’e no hato’o mós apresiasaun ba sira seluk hanesan Parlamentu Nasionál, Governu no povu Timor-Leste.
Nia dehan, iha prioridade tolu mak ha’u hakarak subliña iha ne’e, Primeiru kona-bá apoiu adezaun TL nian ba ASEAN. Japaun kleur ona apoiu pozisaun TL nian, no sei hahú programa foun iha ne’e, hanesan destakamentu ofisial Governu nian ba iha Sekretariadu ASEAN nian, segundu, JICA sei hahú projetu foun atu reformsa kordenasaun ho Governu, inklui projetu formasaun sira, tuir fali, diskute kona-bá atu reforsa kooperasaun dezenvolvementu nian, Japaun sei kontinua hametin liután kooperasaun iha área infra-estrutura nian inklui haree liu bá seguransa marítima no ekonomia azúl.
“ Terseiru, Ami sei hametin liután investamentu setór privadu husi Japaun, no ami sei hametin kooperasaun iha setór petróleu no gas Ikus liu kona-bá interkámbiu ema ho ema, Governu Japaun fasilita ona ema hamutuk rihun ida, atus haat, Iha mos prioridade rua ne’ebé hakarak subliña iha ne’e, Primeiru Interkámbiu lideres Joven sira nian, segundu kona-bá kursu lian Japaun nian, Embaixador Japaun ne’e akresenta.
Tetsuya relata, durante vizita PM ba Japaun, PM hasoru malu ho kompañia INPEX, Chunexi nu’udar kompañia rekursu natural ida no kompañia atu hari’i estaleiru, no mós kompañia ida tan kona-bá projetu solár panel iha Manatuto, alende ne’e, diskute kona-bá investamentu greater sunrise, ida ne’e importante, tanba Osaka Gas iha asoens pursentu 10.
Nia dehan, kona-bá aeroportu Internasional Nicolau Lobato, sei iha revizaun ba projetu ne’e husi Governu TL, no Japaun deside ona nafatin fornese fundu asisténsia ida ne’e ba hari’i terminal pasajeiru iha Aeroportu Internasional ne’e.
“Ami Governu Japaun Hein ba proposta ida ne’e atu kontinua no halo diskusaun kona-bá projetu ida ne’e,” hakotu Tetasuya.
Iha reuniaun ne’e, Embaixadór Japaun ba Timor-Leste, lori povu Japaun nia naran agradese ba sosiedade povu TL ne’ebé hato’o solidaridade ba povu Japaun, relasiona ho rai nakdodo ne’ebé estraga infra-estrutura barak no ema balun lakon vida,” nia hakotu.
Jornalista : Epifania I. Pinto
Editor : Agapito de Deus
