Lafaek News—Prezidente Repúblika José Ramos-Horta husu pós-graduasaun no mestradu kursu Baxeralatu lisensiadu Universidade Nasionál Timor Lorosa’e (UNTL) na’in 1,408 hotu labele deziste maske hetan obstakulu laiha servisu, mehi nafatin hodi hakas-an loron ruma matenek ne’ebé iha ema sei uza.
“Korajen, labele deziste maske hetan obstakulu servisu laiha maibé karik bele estuda nafatin, balun servisu ajuda família, ha’u hateten mak ne’e labele deziste maske difikuldade oin oin, haree ezemplu ha’u hateten iha diskursu ohin hanesan lider nasinal sira ezemplu hanesan Xanana Gusmão tempu luta difisil tebetebes mehi nafatin, maibé labele mehi de’it hakas-an ho matenek ne’ebé iha loron ruma matenek ne’ebé iha ema sei uza”, katak Prezidente Repúblika José Ramos-Horta ba Jornalista hafoin partisipa graduasaun UNTL) ba da-28, iha CCD), tersa (11/04/2023).
Xefe Estadu Ramos-Horta hateten, Balun kontinua estuda, balun ba buka vida, balun iha sorti balun laiha sorti, maski sorti laiha la lakon esperansa kontinua tau importánsia futuru Timor Leste nian ne’ebé importante tebes.
“Parabèns ba reitor korpus Dosente sira hotu nia ne’ebé mak durante ne’e tau matan ba labarik sira, tinan hirak nia laran fahe sira nia matenek no kuñesimentu ba estudante sira, ama, apá no família sira orgullu,” katak PR Horta.
obseevasaun Lafaek News nota totál graduasaun pós- graduasaun no mestradu kursu Baxeralatu lisensiadu Universidade nasionál Timor Lorosa’e (UNTL) ba da-28 hamutuk 1,408, kompostu husi Fakuldade Pás-graduasaun no mestradu na’in 20, fakuldade Agrikultura 118, enjiñaria SiemsSiénsia no Teknolojia 136, Medisina no Siénsia Saúde 359, ekonómia no jestaun 96, Siénsia Exata 1, edukasaun arte no Humanidades 511, Siénsia Sosiais 105, Direitu 35, Filosofia 24.
Jornalista : Rita Moniz
Editór : Agapito de Deus
