Lafaek News–Governu presiza tau prioridade ba asuntu agrikultura no seguransa alimentár, nune’e bele aumenta produsaun foos nian no produsaun seluk ne’ebé iha Timor-Leste
Asuntu ne’e hato’o husi, Laureadu Premiadu Nobel da Paz, José Ramos Horta, hanesan Oradór no Prezidente ba União Movimentu Democraticos Patriota(UMDP) ba semináriu ho tema, O Estadu Direitu Demokrátiku, Eleisaun Prezidensial 2022, Repozisaun Ordem Konstituisaun, iha Salaun, Lalini, Larigutu, Kaikoli Dili, tersa-feira,7/12/2021.
Ba ha’u prioridade absoluta mak, ida agrikultura, ho seguransa alimentár, iha agrikultura iha buat ida simples aumenta produsaun foos nian, no balun tenke hanoin ba irrigasaun, irrigasaun husi mota ou husi udan-been tenke halo kaptasaun udan-been,”dehan eis Prezidente José Ramos Horta.
Horta, Afirma, Estudus lubuk ida ona oinsá halo kaptasaun ba udan-been nune’e bele halo barrajen fatin udan-been di’ak entaun iha tempu bailoron povu bele kontinua servisu kuda haree ka halo natar no Presiza mos hanoin oinsá hadi’a Estrada iha área rural, iha ne’eba la presiza halo ho alkatraun ho de’it meiu seluk ke barratu ke simples ba transporte nian, populasaun kada tinan mak halo manutensaun depois mak governu selu sira la presiza selu ba kompañia boot sira.
Premiadu Nobel da Paz, ne’e kompara, governu fo subsídiu boot liu ba agrikultura iha mundu mak Fransa, kada tinan governu gasta osan hodi fo han karau inan ho montante mill $.8.000 nune’e karau inan ne’e bele saúde di’ak hodi produz susu-been husi karau inan ho kualidade, entaun ho produsaun ne’e sira(Fransa) la autoriza rai seluk tama.
Jornalista : Egidio Nono
Editor : Agapito de Deus
