Lafaek News–Inan faluk Lourdes Monis, ho idade 57, hela iha Aldeia 01 Railaka, suku kampung Alor, postu administrativu Kristu-Rei munisípiu Dili, moris ho presaun ekonomia uma laran, pasiénsia servisu hanesan atan hodi hetan netik osan rahun uituan sustenta moris no oan nia eskola.
inan faluk ne’e, haktuir, servisu ne’ebé nia halo hanesan fase ema nia roupa hodi hetan osan sustenta oan sira eskola inklui nesesidade loron-loron, labele moe sai atan iha rain rai-rasik, nesesidade mak obriga tenke servisu hanesan atan.
Ha’u loron-loron ema bolu ha’u ba dasa rai fase ema nia ropa, mak ema fo osan dolar 2 sorte diak dolar 3 hanesan ne’e, más ema fo osan la’os fulan, maibe ba fase hotu selu kedas osan ba ha’u, labele mo’e sai atan iha ita rain,”dehan Lourdes ba Jornalista lafaek news iha Kampung Alor, foin lalais ne’e
Faluk Lourdes konta, osan ne’ebe mak nia hetan husi fase roupa ne’e konsege suporta oan na’in ha’at ne’e nia eskola to’o remata iha ensinu sekundária, no oan ida sei eskola iha primaria, durante ne’e meius seluk ne’ebe mak inan falun ne’e iha hodi buka osan mak, fase ema nia roupa de’it, dezde tinan 2003 too agora.
Ha’u la faan sasan seluk Ida, maibe durante ne’e fase ema nia roupa ne’e de’it, osan sira ne’e ha’u rai rai hamutuk hodi selu oan nia eskola osan ne’e la barak maibe konsege ha’u nia oan na’in ha’at remata eskola iha sekundariu,”esplika inan faluk, Lourdes ho triste.
Ida ne’e mak realidade, dala barak ema umanu tau aas nia dignidade, maibé inan Lourdes iha hanoin ida katak, naran katak serbisu ne’e rezultadu iha osan, tanba se hanoin dignidade inan faluk ne’e atu husu loos ba se, no se loos mak atu tulun nia ho oan sira nia eskola, tanba kaben mate ona iha tinan 2003 husik hela faluk ho oan ki’ak na’in neen (6)
Ha’u nia kaben mate ona iha tinan 2003 iha oan na’in nee (6) kompostu husi feto ha’at no mane rua entre na’in neen ne’e iha na’in ha’at Remata ona estudu no forma ona uma kain no na’in Ida mak sei eskola iha sekundariu An-nuur no agora segundu ano no mane ida mak la eskola.
Jornalista : Domingas Viana
Editor : Agapito de Deus
