Lafaek News–Diretor Human Rights Justise (HAK) Sisto dos Santos, husu CNE no STAE atu reviu oras votasaun hahú tuku 7 dadeer no mos termina iha tuku 3 bele estende tan tuku 4 liu bele garante no asegura Komunidade labele lakon votu.
Sisto dos Santos hatoo kestaun ne’e relasiona ho faktus ne’ebé mak asosiasaun HAK konsege indentifika sidadaun na’in 13 kompostu husi mane na’in 7 feto nain 6 la konsege ezerse sira nia votus iha loron 19/03/2022, iha sentru votasaun 30 de Agusto Comoro nian.
Husu CNE no STAE atu rebiu oras votasaun hahu tuku 7 dader no mos termina iha tuku 3 bele estende tan tuku 4 liu, atu garante no asegura ita nia Komunidade sira labele lakon sira nia Votu”, hatete Diretor Human Rights Justise ( HAK) Sisto dos Santos deklara ba jornalista sira hafoin halo komnikadu imprensa iha edifisiu HAK Farol kuarta (13/04/2022).
Tuir Diretor ne’e katak, hirak ne’e hatudu faktu ida katak, iha nesesariu ida atu estende tan oras ida liu, no bele informa ona ba lider komunitariu sira bele hatene.
Iha ema lubun boot balun iha liña,hein ho espetativa katak ema liña naruk ne’e tempu ba tempu bele hotu ona, maibé too iha tuku 3, taka ona, entaun ema sira ne’ebé mak forma hela labele tama, nia iha portaun de’it”, dehan Diretor HAK.
Entretantu asosiasaun HAK Indentifika mos iha sentru votasaun sâo Pedro nian orariu hahu laos tuku 7, maibé tuku 7 liu ona, ne’e prejudika ba ema sidadaun ne’ebé mak mai antrian ikus, nune’e HAK hanoin bele estende tan oras, hodi nune’e bele vota ho fleksivilidade, bainhra estende oras bele akumula sidadaun hotu-hotu.
Relasiona ho asuntu ne’e jornalista Lafaek News tenta konfirma ba Presidente Komisaun Nasionál Eleisoens( CNE) José Agustinho da Costa Belo iha edifisiu CNE Lalile lariguto Colmera, maibé parte Rekursu Humanus nian deklara katak Presidente okupadu hela ho debate ba kandidatura nain 2 nian ne’ebé mak sei realiza orsida kalan.
Jornalista : Rita Monoz
Editor : Agapito de Deus
