Lafaek News–Bispu Dioseze Maliana atual Prezidente Episkopal Timorense Dom Norberto do Amaral, quarta (13/04/22), fila hikas mai Timor Leste ho saude rekuperadu hafoin hala’o tratamentu iha Malázia.
Vise Sanseler Dioseze Maliana, Pe. Levinson Verdial ne’ebé durante ne’e akompaña Bispu Dom Norberto halo tratamentu saúde katak, tratamentu Bispu nian la’o ho diak husi inísiu doutor sira iha Malázia simu ho diak, tratamentu ne’ebé sira hala’o tuir abstract ne’ebe doutor sira husi Hospital Nasional Guido Valadares (HNGV), fo ba sira.
Doutor sira iha neeba rezolve Bispu nia problema saude ida por ida rezolve hotu ikus liu mak terapia entaun ida nee ita bele halo iha timor mak ohin ami fila tanba Doutor sira haree kondisaun diak ona mak haruka amu Bispu fila kontinua halo terapia iha Timor,” dehan Levinson Ba jornalista iha Aeroportu Komoro Dili, Kuarta 13/04/2022.
Pe. Levinson Afirma, moras ne’ebé amu Bispu iha to’o lori ba iha Malaizia mak moras tensaun, ida ne’e maka kauza tensaun aas hodi proboka amu bispu nia fuan tanba nee maka lori ba too Malaizia.
Gracias a Deus, moras sira ne’e hotu di’ak ona, tanba doutor sira iha ne’eba kura no halo tratamentu di’ak ba amu Bispu agora hela de’it maka terapia,” Pe. Levinson esplika.
Maibé, presiza kontinua halo terapia mezmu rekuperadu ona, maibe Amu Bispu labele ativu lai servisu hanesan Bispu Dioseze Maliana no hanesan mos prezidente episkopal timoresnse entaun ninia servisu ne’e rua.
Amu Bispu sei deskansa uituan iha rezidensia maubara kontinua halo terapi iha neeba tuir orientasaun mediku sira husi ospital malaizia orienta nunee bele rekupera totalmente hafoin bele kontinua servisu,” Nia informa.
Nia Apresia, Pe. Levinson ho dioseze maliana tomak nia naran hato’o agradese ba sarani sira iha timor tomak ba neebe apoiu Bispu liu husi orasaun no agradese mos ba padre madre sira hotu inklui entidades sira hotu.
Observasaun lafaek news nota, Bispu too iha aeroportu internasional Nicolau Lobato Komoro simu husi lider karizmátiku Kay Rala Xanana Gusmao hodi akompania ba Lesidere.
Jornalista :Orlando Magno
Editor : Agapito de Deus
