Lafaek News–Oitavu governu liu husi Ministériu Administrasaun Estatal (MAE),distribuimaterial eletrónika ba xefe sukus sira hodi servi di’ak liu tan povu iha baze, tanba autoridade lokal sira hanesan ponte ba komunidade ho governu.
Xefe suku sira mak sai hanesan ponte entre komunidade ho Ministeriu administasaun estatal no postu administrasaun sira hodi halao servisu interese públiku tanba nee ohin ita entrega ekipamentus eletronik atu lideransa suku sira hala’o atividade no atribuisaun neebe hatur iha lei numeru 9/2006,” Miguel Pereira Carvalho ba jornalista sira kuarta semana ne’e.
Simbolikamente entrega material eletronika hanesan komputadoor, printer no IPS ba kada xefe suku iha territoriu nasional hodi fasilita servisu ba povu iha areas rural.
Suku hotu iha Timor-Leste fulan ida no fulan oin sei simu hotu ekipamentu eletronik hodi hala’o sira nia servisu iha suku, Ohin hau mai simbolikamente entrega kareta sanolu ba autoridade munisipal Dili tanba dili hanesan kapital Nasaun,” nia afirma.
Miguel relata, autoridade munisipiu iha papel importante bele halao servisu publiku ba komunidade sira iha sidade laran.
iha sorin seluk Xefe Suku Kaikoli, Hipólito Marques Sarmento apresia ba apoiu ne’ebé sira simu husi Ministeriu Administrasaun Estatal.
Ohin ami simu komputador maibe kuaze tinan 20 ona mak foin mai maibe ami nafatin agradese tanba bele fahe ona komputador ba ami Xefe suku sira iha Timor Leste,” Hipolito Apresia.
Jornalista : Orlando Magno
Editor : Agapito de Deus
