Lafaek News–Prezidente Repúblika Francisco Guterres Lú Olo, antes ne’e nomeia ona membru governu nain 4 kompostu husi SEAKLN, MOP, MF no vise MSSI, no ohin kontinua nomeia ema nain rua hodi troka SETP ho SEII, tuir planu kinta (31/03/2022), simu tomada de posse.
Nomeasaun ne’e liu husi dekretu prezidente repúblika nú/20/2022, nomeia membru oitavu governu konstitusional nain rua tuir kompeténsia xefe estadu nian tuir konstituisaun RDTL artigu 106, númeru 2 halo nomeasaun ba membru governu bazeia ba proposta husi xefe governu.
Prezidente Repúblika Francisco Guterres Lú Olo deklara asuntu ne’e liu husi komunikadu imprensa media Palásiu Prezidensiál ne’ebé mak jornalista asesu iha kuarta(30/03/2022),katak serimónia toma de posse ne’e sei realiza iha loron kinta (31/03/2022) iha salaun Palásiu Prezidensiál bairu-pite.
Membru governu na’in-rua ne’ebé hetan nomeasaun husi Prezidente Repúblika mak hanesan, Sekretáriu Estadu ba Terras no Propriedade, Eldino Rodrigues dos Santos, Sekretária Estadu ba Igualdade no Inkluzaun, Maria do Rosario Fátima Correia”, informa Presidente Repúblika Francisco Guterres Lú Olo liu husi komunikadu imprensa media Palásiu Prezidensiál kuarta (30/03/2022).
Tuir PR Lú Olo katak, Prezidente Repúblika uza nia kompeténsia konstitusionál tuir artigu 106 númeru 2 halo nomeasaun ba membru governu bazeia ba proposta husi Primeiru Ministru Taur Matan Ruak.
PR Lú Olo, sei fó posse ba membru Governu na’in-rua iha kinta feira, 31 marsu 2022, tuku 9.30, iha Palásiu Prezidensiál Nicolau Lobato”.
Entretantu, Liuhusi dekretu Prezidente Repúblika númeru 19/2022, bazeia ba proposta Primeiru Ministru nian, Prezidente Repúblika ezonera, Sekretáriu Estadu ba Terras no Propriedade, Mario Ximenes no Sekretária Estadu ba Igualdade no Inkluzaun, Maria José da Fonseca Monteiro de Jesus.
Jornalista : Rita Moniz
Editór : Agapito de Deus
