EKONOMIA · 2 Feb 2021 02:33 ·

Governu Tenke Unifika Foin Sa’e Investe Setór Agrikultura


Governu Tenke  Unifika Foin Sa’e Investe Setór Agrikultura Perbesar

Lafaek News—Diretór Departamentu Agronomia Universidade Nasionál Timor Leste, Marçal Gusmão, husu governu liu husi Ministériu Agrikultura no Peskas atu mobiliza joven sira partisipa rutina iha  servisu setór agrikultura.

“Ita hotu hatene katak atu dezenvolve setór agrikultura hodi eleve kuantidade produsaun presija ema sira ne’ebé iha enerjia hanesan joven sira,, governu presiza iha polítika ida hodi bele unifika fali joven sira ho agrikultura,” dehan Diretór departamentu agronomia, UNTL, Marçal Gusmão iha nia kna’ar fatin, segunda semana ne’e.

Marçal dehan dezafiu ida fali mak agrtrikultór sira ladun iha partisipasaun makaas ba iha agrikultura, haree bainhira governu fó osan ba idozu  no  veteranu sira ida ne’e sufisiente ona ba sira atu bele  sosa hahán, tanba ema hotu hatene katak foos importatu ho presu baratu liu.

“Entaun situsaun ne’e halo sira sai baruk hodi servisu ba sira nia toos ka natar tanba iha sira nia hanoin katak sasan foos ne’e konveniente liu duke ba kole fali iha toos,” dehan nia

Diretór informa, Bainhira sira halo komparasaun ba produsaun espesífiku hare (foos rai), uluk  no agora bazea ba peskiza no survey ne’ebé halo iha parte leste ne’e produsaun sa’e, kada hektar 0.5 até 1.5 toneladas kompara ba agora,  sa’e ona ba 2.5 até 3 toneladas ne’ebé tanba iha preparasaun rai ne’ebé di’ak, input husi kímiku, atendimentu ema nian ne’ebé di’ak influénsia produsaun sa’e.

“Bainhira ita nia agrikultór sira investe sira nia tempu hodi tau matan ba sira nia toos, uza sistema transplantasaun, no uza intervensaun teknolójia balun hansean adubu orgániku biocar ne’ebé mak hetan husi hare kulit ida ne’e sei hasa’e produsaun háre ba tonelada haat ka lima,” katak nia.

Agronomista ne’e katak, atu hasa’e produsaun iha rai laran goverbu presiza prepara kondisaun ba joven sira no ema hotu ne’ebé muda husi rural ba sidade, maibé governu tenke buka mekanizmu oinsá lori fila joven sira ba ida-idak nia munisípiu hodi investe tempu iha setór agrikultura.

 

Jornalista         : Felisberto da Costa Fernandes

Editora              : Nelya Barros

1,470 Views
Artikel ini telah dibaca 38 kali

badge-check

Editor

Baca Lainnya

Kandidatus 42.464 Pasa Vaga Online Austrália

18 July 2024 - 09:15

Setor Rua Nudar Baze Ba Ekonomia Timor Leste

15 June 2024 - 17:58

Kompania Ida Husi Austrália Bele Produz Adubu orgániku Husi Popok Labarik Nian

14 June 2024 - 17:49

ILO Ho Tradelnvest  Haforsa Negosiu Nu’u Ba Coconut Oil Iha TL

23 May 2024 - 17:26

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

Trending di EKONOMIA