Lafaek News—Sekretariu estadu no komunikasaun sosial (SEKOMS), Mericio Juvinal dos Reis “Akara” reafirma ba jornalista sira atu sosializa kampaina ba vasinasaun kontra Covid-19 hanesan dalan unika atu lori Timor ba situasaun normalidade.
“Ita atu lori fali ba situasaun zero ne’e hanesan iluzaun ida tamba ne’e mak vasinasaun dalan uniku atu kombate, atu hetan health immunity para ita bele normaliza fali ita nia situasaun, se hotu-hotu kumpri tama iha outubru hanesan ne’e ita hetan ona 70% vasinasaun,” dehan Mericio Akara, iha salaun JL Vila, segunda, (23-08-2021).
Segunda ne’e SEKOMS realiza workshop nasional ida ba konsellu no jestor radio komunidade kona ba dijitalizasaun. Workshop ne’e partesipa husi jestor radio komunidade sira iha Dili inklui husi munispiu seluk no radio komunidade foun ba ema ho difisiensia sira, radio komunidade ne’ebé kontratadu ona ho SEKOMS halo servisu importante atu hatutan governu nia foku servisu kombate situasaun covid-19 iha Timor-Leste.
“Hau hanoin iha kontratu ne’ebé halo iha Iha pontus lima ka neen ne’ebé mak ita boot sira tenke halo, liu liu iha hera pandemia covid-19, halo kampaina makas konaba vasinasaun, liu liu agora imi halo kampaina makas para ema partisipa iha vasinasaun, ita ba iha opsaun segundu, opsaun segundu saida? mak vasinasaun, estratejia ita aplika hotu ona durante ne’e maibe covid iha nafatin entaun dalan segundu maka vasinasaun,” dehan, Akara.
Husu jornalista tenke servisu makas atu klarifika informasaun lalos sira ne’ebé lao iha komunidade nia le’et, tanba ema balun lansa informasaun hatauk atu labele simu vasinasaun, tan ne’e husu atu konsumu informasaun kredivel, ida ne’ebé lori benefisiu ba an rasik no ba komunidade no diak liu fiar iha siensia.
Hakotu, governante ne’e enkoraza jornalisata no jestor radio komunidade sira hotu inklui radio komunidade ba ema ho difisiente atu prontu adapta hera dizitalizasaun ida ne’e hodi lori sivilizasaun ba komunidade sira.
“Opsaun ma prepara ita nia sidadaun tama iha dizital aproveita benefisiu parte posetivu plataforma dizital ne’e hodi lori sivilizasaun foun mai,” nia hakotu.
Estajiadu : Simão JM Fraga
Editor : Agapito de Deus
