Lafaek News—XI Governu Konstitusional liu husi Ministériu Negósiu Estranejiru no Kooperasaun, kinta 12/03/2025, hala’o lansamentu ba kampania nasional dalan ba Asean atu Timor-Leste Avansa Bem-estar ba Ema hotu.
“ Timor Leste tama iha Asean, Timor-Oan sira se’i hetan benefisiu husi programa sira ne’ebe hadi’a moris lor-loron nian, fó apoiu ba komunidade sira, no ajuda nasaun ne’e sai forte liután, asean nian foku ba serbisu hamutuk garante katak ema hotu bele fahe iha progresu no oportunidade, Asean asosisaun nasaun sira Sudeste Aziátiku nian, nu’udar bloku rejional ida husi nasaun ne’ebe hari iha loron 08/08/1967, iha Bangkok, Tailandia, ho asinatura husi deklarasaun Asean nian, husi fundador sira Indonesia, Malaysia, Filipina, Singapura no Tailandia, iha tinan hirak nia laran, Asean sa’i hanesan organizasaun rejional ida ne’ebe dinamiku, depois Brunei Darussalam, Vietname, la’os, Myanmar no Cambodia ikus mai tama mos hanesan membru iha Asean,” dehan Vise Primeiru Ministru no Ministru Turizmu Francisco Kalbuadi Lay iha MNEK kinta semana ne’e.
Kalbuadi dehan, ohin loron, asean halibur nasaun sanulu unidu tebes, iha sira-nia kompromisaun atu hametin koloborasaun rejional ne’ebe impulsiona kreximentu ekonómiku, selebra diversidade kultural, asean nia objetivu finalidade iha ambisaun atu promove paz no estabilidade kreximentu ekonómiku, progresu sosial no dezenvolvimentu kultural iha rejiaun liu husi koloborasaun, respeitu ba malu no igualdade asean nia objetivu ikus maka atu hadi’a padraun moris nian no haburas komunidade Nasaun membru sira ne’ebe prosperu.
Iha fatin hanesan, Ministru Negósiu Estranjeiru no Kooperasaun, Bendito Freitas, MNEK hala’o lansamentu ofi8sial ba kampaña asosializasaun dalan ba Asean nian, maibé hatene katak asunto importante tebes hodi polítika estadu no polítika Nasional ne’ebe Timor-Leste nia aspirasaun atu sa’i familia Asean nian. u.
“Ita agradese ba (ONU), Europeu nia apoiu inkoperasaun, ita nia Ministeriu Administrasaun Estatal, tanba ne’e lidera husi ita nia Thomas Cabral, atividade ne’e se’i tun ba baze, ba prezedente autoridade munisipais, atu nune’e ita bele haklaken informasaun barak kona-ba estatutu asean nian prinsipiu objetivu, benefisiu asuntu sira ne’e mo’os ita bele rona komunidade sira nia hanoin kona-ba ida ne’e,” Bendito Freita Sublina.
Observasaun Lafaek News nota, iha lansamentu kampania dalan ba asean ne’e hetan partisipasaun másimu husi Vise Primeiru Ministru, Ministro Koordenador Asuntus Ekonómiku, no Ministru Turizu e Ambiente, Embaixador Indonesia, Embaixador Malaysia, Embaixador Filipina, Singapura no Tailandia.
Jornalista Magan : Natalia de Jesus
