Lafaek News—Diretór Asossiasaun HAK, Sisto dos Santos hatete, relasiona ho governu liu husi MSSI prepara kaixaun 300 hodi antisipa karik rezulta ema mate tanba covid-19, konsidera hanesan obrigasaun governu nian.
“Ida ne’e nu’udar obrigasaun governu nian hodi halo auto-preparasaun ba situsaun saida de’it maka atu mosu, nune’e karik iha akontesementu ruma rezulta ema hakotu iis bele utiliza kaixaun sira ne’e,” dehan Diretór Asossiasaun HAK, Sisto dos Santos, ba lafaek news via WHATSAPP, sesta (12/03/2021).
Sosiedade sivil ne’e konsidera, klaramente iha efeitu psikolójia tuir kultura katak halo preparasaun hodi hein, ema nia mate ne’e situsaun ida ne’ebé halo ema sente preokupadu, maibé ida ne’e desizaun antisipasaun husi governu hodi hatan ba karik ema ruma mate tanba kauza covid-19.
“Estadu sente katak sira la’os Maromak no sira labele halo buat ida hodi garante katak sei la iha akontesimentu ruma relasiona ho kazu ne’e. Tanba ne’e dezisaun ne’ebé foti hanesan esforsu ida husi agente estadu hodi antisipa situsaun ruma karik akontese” esplika nia.
Jornalista : Felisberto da Costa Fernades
Editora : Nelya Barros
