POLÍTIKA · 9 Jan 2021 02:21 ·

Governu Aprova Ona Dekretu Governu ba OJE 2021


Governu Aprova Ona Dekretu Governu ba OJE 2021 Perbesar

Lafaek News – Oitavu governu liuhosi reuniaun Konsellu Ministru (KM) aprova ona projeitu dekretu governu kona-ba ezekusaun orsamentu jerál estadu (OJE) ba tinan 2021, ne’ebé hetan ona aprovasaun husi l dekretu ei númeru 14/2020, loron 29 Dezembru.

Dekretu governu ne’ebé hetan aprovasaun hosi reuniaun konsellu ministru kona-ba ezekusaun orsamentu jerál estadu (OJE) ba tinan 2021, apresenta hosi Ministru Finansas (MF), Rui Augusto Gomes, iha palasio governu, sesta feira, 08/01.

Ministru Prezidénsia Konsellu Ministru (MPCM), Fidelis Manuel Leite Magalhães, informa, lei ba OJE 2021 nian tama ona em vigor iha loron 01 Janeiru, da-daun ho aprovasaun dekretu governu ezekusun ba OJE nian ne’ebé segunda semana ne’e ezekusaun ne’e bele la’o  ona.

“Hanesan imi hatene katak iha lei Orsamentu Jeral Estadu (OJE) ba implementsaun lei OJE presija dekretu ba ezekusaun ba Orsamentu Jeral Estadu nian,” dehan MPCM, Fidelis Manuel Leite Magalhães, ba jornalista sira.

Tuir nia, diploma ne’e hakarak fo garantia ba efetivu no rigorozu kontrolu orsamentál no ba tempu hanesan, hodi simplifika prosedimentu sira ezekusaun orsamentál nian, ne’ebé fó kontinuidade ba mudansa sira ne’ebé hahú ona iha tinan 2020, ho objetivu atu fasilita ezekusaun Orsamentu Jerál Estadu nian ba tinan 2021 husi orgaun no servisu sira Setór Publiku Administrativu nian.

Fidelis informa, entre diferensa sira ba Dekretu Governu husi Ezekusaun ba OJE tinan 2020, destaka katak eziste de’it rejime finanseiru rua, inklui implementasaun husi orsamentasaun liuhosi programa sira, halo alterasaun ba data husi taka ezersisiu orsamental, aumenta fleksibilizasaun husi ezekusaun orsamentál no aumentu obrigasaun hodi fahe informasaun kona-ba ezekusaun.

 

Jornalista : Pedro de Almeida

Editora     : Nelya Barros

1,292 Views
Artikel ini telah dibaca 30 kali

badge-check

Editor

Baca Lainnya

Naimori : “Iha Timor Ha’u ho Ramos Horta Mak Ko’alia Unidade Nasional”

23 April 2024 - 10:39

Berta Kontinua Lidera KHUNTO Ho Sekretariu Jeral Eleitu

23 April 2024 - 10:19

Naimori : KHUNTO sei la husik FRETILIN ho PLP Mesak

22 April 2024 - 00:08

KHUNTO Troka De’it Xefe Bankada La’os Hasai Olinda Husi Partidu

21 April 2024 - 09:19

PR Parabeniza Armanda Berta Iha Kongresu KHUNTO Ba da-IV “Olinda Guterres La Marka Prezensa”

21 April 2024 - 09:13

PR ho PPN Diskute Preparasaun Viajen ba Abudabi  

21 February 2024 - 08:33

Trending di POLÍTIKA