Lafaek News–Governu liu husi Konsellu Ministru (KM), kuarta (18/08/2021) aprova projetu rezolusaun governu kona-ba kriasaun unidade jestaun integradu husi projetu dezenvolvimentu Aeroportu Nicolau Lobato.
Ministru Prezidénsia no Konsellu Ministru (MPKM), Fidelis Manuel Leite Magalhães hateten, unidade ida ne’e sei iha dependénsia ba komisaun interministeriál kona-ba negosiasaun apoiu finaseiru ba rekualifikasaun Aeroportu Internasionál Nicolau Lobato (AINL), hanesan estrutura temporária ida ba implementasaun projetu Ne’ebé sei kontinua ho jestaun tékniku no estratéjia sentralisasi iha ezekusaun projetu AINL nian iha nia komponente no nia faze sira.
“Aprezentasaun ida ne’e governu mós apresia no halo aprovasaun ba tempu tuir mai dekretu governu ida ne’ebé sei define diak liutan tutela ba projetu dezenvolvimentu Aeroportu Komoro nian,” dehan Fidelis Magalhães ba Jornalista hafoin remata enkontru KM iha Palasio Governu Dili, Kuarta (18/08/21).
Entretantu projetu rezolusaun governu ne’e, aprezenta husi Ministru Finansas Rui Augusto Gomes.
Jornalista : Juvita dos Santos
Editor : Agapito de Deus
