Lafaek News—Prezidente Aministrasaun Konsellu ba Kombatentes Libertasaun Nasionál (KKL), Vidal de Jesus “Riak Leman” informa, Ministériu Asuntus Kombatentes Libertasaun Nasionál (MACLN) tau ona osan atu halo uma ba veteranus hamutuk nain 96 sira ne’ebé luta hahú husi tinan 20 too 24 iha ai-laran.
“Da-daun ne’e ami konsellu forma hela ekipa tolu atu tun ba halo levantamentu dadus kona-ba uma sira ne’ebé atu halo ba veteranus 96 ne’e,” dehan Prezidente KKLN Riak Leman ba Jornalista sira iha Palasio Governu Dili, Kinta (25/02/21).
Prezidente hatutan, ekipa ne’ebé atu halo levantamentu preparadu nune’e bele identifika ida ne’ebé maka hela iha propriedade estadu, maibé osan seidauk iha atu tun ba terrenu.
“Veteranu ne’e atu halo uma besik estrada ka dook husi estrada, se nia hela iha rai ne’e rai estadu nian ka rai partikulár, se nia hela iha rai estadu karik ko’alia ho parte terras propriedades hodi halo dokumentu ruma,, tanba ohin veteranu sei moris bele tebe rai, maibé aban bainrua nia mate tiha, nia fen ho oan bele tebe rai ka lae, karik ema seluk duni tiha oinsá, tan ne’e]] ami konsellu forma ona ekipa tolu maibé atu tun ba mak osan sei laiha,” hatete Prezidente KKLN.
Entretantu, veteranu hamutuk 96 ne’e kada veteranu ida $ 40.000 mill hodi halo konstrusaun ba sira nia uma.
Jornalista : Juvita dos Santos
Asisten Editór : Pedro de Almeid