Lafaek News–Country Representative’ ba Fundasaun Ázia iha Timor-Leste, Dylan Davis, hamutuk ho Prezidente Kâmara Komérsiu no Indústria Timor-Leste (CCI-TL), Oscar Lima, asina akordu parseria ida iha CCI-TL ho objetivu atu fó kapasitasaun ba setór privadu nasionál iha Timor Leste.
Objetivu husi parseria ida ne’e mak atu suporta Timor-Leste ninia setor privadu sira hodi kria portal online ida ne’ebé diak no update fahé informasaun kona-ba impaktu ekonómiku, oportunidade ekonómiku, no mudansa legalidade ka regulatóriu, no oinsá asuntu sira mensiona ne’e afeita sira ninia atividade negosiu durante Estadu Emerjensia. Kriasaun no manutensaun ba website foun www.empreza.tl ne’e hetan suporta husi Fundasaun Ázia ninia Programa Dezenvolvimentu Turizmu, liu-hosi fundus husi Nova Zelandia ninia Ministériu Relasoens Exteriores no Komérsiu.
Antes asina akordu ne’e, Dylan Davis afirma afirma turizmu sai hanesan programa importante ba Fundasaun Ázean, hili CCI-TL atu haree papel CCI-TL nian ba setór privadu sira, se laiha setór privadu maka setór turizmu labele la’o, ho prezensa setór privadu nian bele haforsa ekonomia iha rai-laran.
‘’Fundasaun Ásia haree oportunidade atu servisu hamutuk ho CCI-TL, tanba iha relasaun ho setór privadu,’’ katak Dylan Davis iha serimonia asina akordu ho prezidente CCI-TL, iha edefísiu CCI-TL Akait, kuarta semana ne’e.
Hodi dehan, papel setór privadu sira mak hanesan oferese pakote hirak hanesan ne’e atu ema ne’eb mai nu’udar turista bele asesu atividade importante sira iha aspeitu ekonomia, papel CCI-TL ne’ebé halibur setór privadu sira bele kria parseiru ida atu bele haforsa fo sai atividade hirak ne’ebé iha Timor Leste.
Iha fatin hanesan, Prezidente Kámara Komérsiu Indústria Timor Leste (CCI-TL), Oscar Lima afirma, reprezentasaun ba organizasaun Kámara de Komérsiu IndústriaTimor-Leste importante tebes hanesan reprezentasaun em númerus husi emprezas no assosiasaun ne’ebe hamahon a’an iha CCI-TL.
Advokasia sempre halao nia kna’ar husi advokasia atu bele harmonia regulamentu Lei ne’ebé bele kontribui nomos haburas setor privadu, nomos iha kna’ar ida atu defende setor publiku nasional no internasional.
Kapasitasaun, parte ne’ebé inportante ba dezemvolvimentu Asia foundation no TAF ba future liu-liu ba kapasitasaun atu hakbesik a’an nomos emvolve iha prosesu ida ne’ebé hamutuk ho CCI-TL hodi nune’e bele hadia kualidade ba vida nomos partilla informasaun ba sidadaun tomak liu ba setor privadu.
Lima hateten, kooperasaun ne’e importante tebes ba K ámara Komérsiu Indústria de Timor-Leste, liu-liu husi parte dijitalizasaun ba CCI-TL ne’e fontes ida hanesan partilla informasaun publika in jeral ba Covid-19 ne’ebé agora da-daun iha ita nia le’et nomos atu publika funsoes no kna’ar CCI-TL nian ba rai Laran no mundu.
Husi kooperasaun ida ne’e hanesan inisiasaun ida para it abele servisu hamutuk hodi halao objektivu no konkretiza misaun organizasaun iha Timor-Leste, agradese mos ba TAF eskolla ona Câmara de Comércio Indústria de Timor-Leste sai hanesan aman ida website www.empreza.tl
”Sebele karik Asia foundation liu husi liu husi TAF bele servisu hamutuk ho Câmara de Comércio Indústria de Timor-Leste hodi kuda espiritu emprendorizmu nomós kontribui ba dezemvolvimentu iha ekonomia Rai laran liu husi biban ida mos it abele aproveita para bele hato’o ita nia kna’ar hanesan hanesan parseiru dezemvolvimentu ne’ebé firmi iha seguru ba futuru,” Oscar Lima hakotu.
Jornalista : Agapito de Deus
Editór : Floriano Soares
