Lafaek News—Prokuradór Jerál Repúblika, Alfonso Lopez, tersa (15/06/2021), hasoru malu ho Prezidente Repùblika, Francisco Guterres Lú Olo, hodi aprezenta kazu pendente durante serka sanitariu iha fula anterior.
“Aprezenta produtividade fulan-fulan ita hatene katak agora ita sei aplika medidas preventividade no konfinamentu obrigatóriu entaun ita haree katak iha nivel nasionál prosesu pendente mai husi fulan anterior ne’e hamutuk 2577,” deklara PJR Alfonso Lopez hafoin hasoru malu ho xefe estadu iha iha palasiu Prezidensial Nicolau Lobato tersa semana ne’e.
PJR ne’e haktuir, iha prosesu entrada nivel nasional 398, konsege halo remata fin do mes ne’e 253, maibé iha aumentu númeru pendénsia ituan maibè konsege mantein estabilidade.
“Maibé ita haree katak komfinamentu entaun notifikasaun barak, no interventes prosesuais arguido testemuña, vítima barak mak la komparese, ida ne’e mak produz la másimu, mezmu hanesan ne’e liu husi konsellu ba estadu ministériu públiku estabelese atividade rotativa mantein nafatin no fo maior atensaun liliu ba kazu grave sira hanesan julgamentu pendente kazu grave, arguido prezu, ida ne’e sempre iha hotu maior atensaun ida ne’e mak hala’o nafatin,” hateten nia.
Durante Konfinamentu obrigatóriu, husi kazu sira ne’ebé mak pendente ne’e, kazu ne’ebé númeru as liu mak kazu violasaun doméstika tanba la sai husi uma sempre iha violasaun doméstika iha familia nia laran, hakotu PJR ba jornalista iha palasiu semana ne’e.
Jornalista : Rita Moniz
Editór : Agapito de Deus
