Lafaek News— iha segunda feira kalan tuku 20:00 (OTL), komunidade Bairo Sawarika, Suku Foiloro, Postu Lospalos, Munisípiu Lautém sente pániku ho aktu husi pasiente pozitivu kazu Covid-19 nain ida ne’ebé tama sai livre husi izolamentu hodi ba hasoru nia namorada no halo kontaktu ho komunidade.
“Ami husi parte polísia kuandu sira tama ona iha Izolamentu ne’e ami la hatene ona, ami halo de’it seguransa ba sira, maibé ami la halo kontaktu ho sira ne’e so parte saúde mak hatene, laiha ami husi saúde mos kuandu dader-dader ami ba kontrola ne’e ema sempre kompletu hela de’it dala ruma ami fila mak sira halai sai karik” dehan polísia ho pesoal saúde ida ne’ebé lakohi fo naran bainhira komunidade hato sira nia preokupasaun iha Sawarika, segunda kalan 12/06.
Relasiona ho akontesimentu Durate da Costa, husi bairu Sawarika ne’e kestiona makas ema ne’ebé ho rezultadu teste pozitivu Covid-19 maibé bele tama sai livre iha izolamentu sem koñesimentu husi parte seguransa.
“Tanba sá mak labarik ne’e bele halai sai loron loron husi ijolamentu hodi mai hola tua iha nee depois mai halo kontakto ho ninia namorada.” Dehan nia bá lafaek News iha Sawarika.
Relasiona ho asuntu ne’e komunidade bairo Sawarika komunika kedas ba porte polísia iha tuku sia kalan nune’e parte polísia hamutuk ho parte saúde lori kedas pasiente pozitivu ne’e fila ba ] izolamentu inklui lori nia namorada no joven nai rua hodi kompleta Kuarantena Loron 14.
“Ohin mai lori labarik feto ne’e ho tan labarik kukuan tinan 7 nain ida ho tan joven 18 anus ne’e nain 2,” hatutan Duarte
komunidade bairu Sawarika ne’e relata, labarik mane ne’ebé pozitivu Covid-19 ne’e sai husi izolamentu mais ou menus tuku Haat lokoraik hodi mai hasoru nia namorada no fila fali ba izolamentu iha tuku hitu kalan depois fila fali mai iha bairo Sawarika hodi hasoru dala ida tan nia namorada inklui sosa tua hodi ba hemu iha zjolamentu.
“Ha’u tesika ba ha’u hare sira nain rua tur hela iha nakukun depois ha’u hase feto ne’e halai tia depois mane ne’e mak hatan ha’u Paul, depois ha’u dehan o ne’e ga depois ha’u mai husi fali ba kolega sira, sira dehan nia ne’e iha hela ijolamentu mak mai ohin hau mós husu mais nia dehan atu hola tua sabu ba hemu iha ijolamentu, entaun w dehan tua iha loja ne’ebá mak iha” haktuir komunidade ne’ebé la fó sai nia identidade
Relasiona ho asuntu ne’e komunidade sira iha bairo Sawarika husui atu hametin liu seguransa iha fatin izolementu inklui hadiak kondisaun iha fatin izolamentu nune’e labele akontese tan.
Kontributór : Joenaca da Conceição
Editór : Agapito de Deus
