Lafaek News—Fundasaun Mahein (FM) ho nia ekipa hato’o kongratula bá Seguransa Pombu Mutin ne’ebé hala’o seguransa ho di’ak iha vizita sua Santidade Papa Francisco nian iha Timor-Leste ho susesu.
Alende ida ne’e Fundasaun Mahein hala’o observasaun ba seguransa ne’ebé durante vizita sua Santidade Papa Francisco halo visitisaun iha Timor leste ne’ebé seguransa pombu mutin hala’o defeza hodi asegura situasaun rai laran no iha fronteira internasional inklui tasi no rai ketan ne’ebé ho susesu iha Timor-Leste.
“Primeiru fundasaun Mahein ninia observasaun jerál ka monitorizasaun jerál ba iha seguransa husi operasaun pombu mutin ami hakarak parabeniza ka kongratula operasaun seguransa pombu mutin ne’ebé maka susesu ne’e primeira vez de iha ita nia eventu importante ba ita nia estadu no mós ba povu Timor leste nu’udar relijiaun Katólika amu Papa nia vizita ida ne’e seguransa tarefa pombu mutin halo nia knaar ida ne’ebé maka di’ak teb-tebes husi kapitál Dili to’o iha fronteira internasional sira hanesan tasi nian no iha rai ketan sira ne’ebá kuaze ke la’o di’ak la resista insidenti fatal ida ba iha asunto ida ne’e tanba ne’e maka fundasaun Mahein hakarak parabeniza no hakruk kongratula bá seguransa tarefa pombu mutin” haktuir nia Diretor Ezekutivu FM, tersa (17/09/2024).
Fundasaun Mahein hato’o mos relatóriu durante ba vizita Sua Santidade Papa Francisco nian ne’ebé mosu dezentedimentu iha Aeroportu internasional Nicolau Lobato Comoro, bainhira Papa atu fila ona husi Timor Leste ba Singapura.
Iha vizita Sua Santidade Papa Francisco nian ne’ebé bainhira fila hakotu nia visitasaun iha Timor leste hodi desloka ba Aeroportu Nicolau Lobato Comoro ne’ebé mosu dezentedimentu entre seguransa husi Vatikanu no Timor Leste nian.
“Durante Papa Francisco nia vizita iha Dili loron 9 no 11 Setembru 2024, tuir fundasaun Mahein (FM) nia observasaun. Iha Aeroportu internasional Presidente Nicolau Lobato resjista fallansu grave sira iha seguransa Aeroportu nian no kumprimentu ba protokolu sira aviasaun internasional nian ne’ebé rezulta iha dezentedimentu sira entre ekipa seguransa Primeiru Ministru no Papa Francisco nian, insidente ne’ebé fatal liu maka violasaun sira ba área restrita sira no dezorden sira ne’ebé envolve ema sivil sira polísia no funsionariu sira Aeroportu nian” dehan Diretor Ezekutivu FM, Nelson Belo, iha komunikadu imprensa.
Insidente iha Aeroportu internasional Presidente Nicolau Lobato komoro ne’ebé falta separasaun adekuadu entre sivil no autoridade sira ne’ebé durante vizita sua Santidade Papa Francisco iha Timor leste hodi buka bensaun husi Papa Francisco nian.
“Asesu la autorizadu hosi ema sira ba área sira ne’ebé restritu hodi Aeroportu, falta separasaun adekuada entre sivil no autoridade sira durante Papa Francisco nia embarkasaun, movimentu sira ne’ebé kauza hosi ofisiál no ema sivil sira ne’ebé halai tuir Papa Francisco hodi buka bensaun, eventu sira ne’e revela falla kritiku sira iha medida sira seguransa aeroportu nian no viola padraun sira ne’ebé estabelese hosi organizasaun internasional aviasaun sivil nian,” katak nia
Fundasaun Mahein (FM), hanesan monitoring research and advocacy of the security sector, ne’ebé rekomenda katak, haforsa seguransa no treinamentu konsistensia ba seguransa, fo formasaun regular no intensivu ba seguransa aeroportu nian,Polísia Nasionál Timor Leste, (PNTL) no Forsa Ffalintil Defeza de Timor Leste, (F-FDTL).
“Reforsa treinamentu no konsistensia iha seguransa, halo formasaun regular no intensivu ba seguransa aeroportu nian polísia no militár iha Timor leste ho enfaze ba kumprimentu rigorozu ho padraun internasional hodi ICAO, treinamentu la’ós de’it tekniku maibé mós iha aspetu protokolu diplomatika hodi prevene dezentedimentu entre seguransa diferente, no revizaun ba prosedimentu protokolu no koordenasaun no hetan dezentedimentu entre seguransa primeiru Ministeriu nian no seguransa Papa Francisco nian rekomenda kria planu koordenasaun pre-definidu entre autoridade lokal no VIP internasional sira bainhira iha vizita diplomátika importante, autoridade Aeroportu nian tenki halo revizaun rigoroza ba planu Seguru no protokolu, asegura separasaun di’ak entre VVIP no ema sira ne’ebé iha Aeroportu laran atu evita sala prosedimentu” tenik Diretor Ezekutivu FM
Jornalista : Aniceto Dias
Editor. : Agapito de Deus
