Lafaek News-Fundasaun Mahein(FM), Akuza desizaun ba nomeasaun ajende migrasaun nian, husi Vise-Ministru Interior (V-MI) Antonio Armindo, pratika ‘nepotizmu’ no kontra despaxu Ministériu Interior númeru 062/MI/VII/2020 loron 22 fulan jullu tinan 2020, ho nune’e FM husu Primeiru Ministru (PM) no Ministru Interior(MI) Taur Matan Ruak, atu altera desizaun refere, hodi hases husi interese partidarizmu no politizasaun.
Diretór ezekutivu Fundasaun Mahein, João Almeida hateten, servisu migrasaun sai instituisaun ida ne’ebé profisionál no servi ba de’it interese komun, no tenki hases husi interese partidaria.
“Husu Primeiru Ministru no Ministru Interiór (MI) Taur Matan Ruak atu alteira tiha desizaun vise-ministru Interior nian hodi bele nomeia ajente ne’ebé iha esperíensia servisu barak iha migrasaun nian,” dehan Diretór Ezekutivu FM João Almeida, ba Jornalista iha konferénsia Imprensa iha Edifísiu FM Bidau Dili, segunda(9/27/2021).
Nia hatutan Primeiru Ministru (PM) no Ministériu Interior tenki asume kargu tuir lei orgánika Ministériu Interior ne’ebé haree de’it husi administrasaun atual fila fali kompeténsia Minitériu Interior nian. ne’eduni Fundasaun Mahein (FM) husu Primeiru Ministru hanesan mós Ministério interior Taur Matan Ruak, atu husu komandu jerál PNTL rekomenda pesoál migrasaun ne’ebé iha esperénsia di’ak ba iha adidu atu nune’e ses husi politizasaun ba iha nomeasaun ida ne’e.
“Maske kompeténsia vise -Ministériu Interior nian limite de’it ba asuntu sira iha administrasaun tuir despaxu númeru 062/MI/2020 loron 22 jullu tinan 2020 maibe ses husi despaxu ne’e” informa João.
Diretur ne’e afirma, Vise-Ministériu Interior, Antonio Armindo, koko haksoit sai husi kompeténsia ne’ebé atribui ona no ignora tia despaxu Ministériu Interior númeru 062/MI/VII/2020 loron 22 fulan jullu tinan 2020.
Hatan ba kestaun ne’e vise- ministru (V-MI) Antonio Armindo, hateten, nia parte rezeita informasaun ne’ebé Fundasaun Mahein deklara, tamba la bazeia ba faktus konkretu ruma hodi hatudu katak, adidu sira mai husi partidu no halo politizasaun.
“Fundasaun Mahein sira hare husi saida? maka dehan adidu sira nomeasaun husi partidu politíka maib’e husi diretor jerál maka nomeia mai iha gabinete no hato’o ba ministériu,”nia deklara.
Governante ne’e subliña, sira ne’ebé maka hetan nomeasaun husi diretor jerál kompetente no abilidade ne’ebé m
akas hodi hala’o servisu la’os husi politíka ka partidarismo.
“ iha membro balun ne’ebé maka hakarak hadau malu ba posisaun sira ne’e entaun sira ko’alia tun sa’e ba Fundasaun Mahein, tamba ohin primeiru ministru fo ona orientasaun katak labele rona Fundasaun Mahein no halo de’it maka servisu tamba ne’e sira nia deklarasaun politíka,”nia hakotu.
Jornalista :Manuel Andrade
Asisten Editora : Juvita dos Santos
