SAÚDE · 31 May 2021 04:44 ·

FHTL Preopuka Polítika Eskola Ba Uma Ho Eskola Online


FHTL Preopuka Polítika Eskola Ba Uma Ho Eskola Online Perbesar

Lafaek News—Portavóz Fórsa Humanista Timor-Leste (FHTL), Luis Mota liu hosi komunikadu imprensa peokupa implementasaun polítika Ministériu Edukasaun kona-ba eskola ba uma no eskola online laiha efetividade ba estudante atu aprende no husu reativa permanente prosesu aprendizajen.

Iha komunikadu imprensa ne’ebé lafaek news asesu iha segunda (31/05/2021), sita FHTL preokupa ho implementasaun Eskola Ba Uma ninia efektividade ne’ebé prejudika kualidade no kuantidade alunus sira husi pre-eskolar to’o institutu superior, tanba iha fatores lubuk ne’ebé la fó kondisoens ba inan-aman atu apoiu nesesidade estudante sira nian hanesan, pulsa, telefóne, televizaun no rede internet ba prosesu aprendijazen iha nivél nasionál to’o areas remotas.

“FHTL mós lamenta ho eskola online tanba la aplikavel iha nasaun terseiru sikulu hanesan Timor-Leste”, Porta Vóz Fórsa Humanista Timor-Leste (FHTL), Luis Mota lee sai hosi komunikadu imprensa, iha KBD, Ailo-Laran, Segunda (31/05/2021)

Fórsa Humanista Timor-Leste hanesan organizasaun voluntariu ne’ebé kompostu husi kamada juventude intelektuais iha nivél nasionál, munisípiu, postu, suku to’o aldeia no diaspora; ne’ebé kontribui ba prosesu dezenvolvimentu nasionál liu husi pilar edukasaun popular, perokupa no lamenta tebes ba desizaun VII Governu aplika lockdown, Estadu Emerjénsia, Serka Sanitaria no konfinamentu hodi fó sofrimentu ba povu.

Aspeitu Polítika, Infelismente FHTL haree katak inserteza polítika ne’ebé akontese iha 2017 too ohin fó implikasaun ba prosesu demokratizasaun iha estadu Timor-Leste, tanba autoridade husi partidu polítiku sira laiha komitmentu no responsabilidade moral atu halo komunikasaun ida ne’ebé efektivu no rekonsiliasaun atu hamósu konsensus nasionál ka (musyawarah mufakat),” le’e sai hosi portavóz ne’e.

Iha konferénsia imprensa ne’e FHTL mós lamenta ho atitude atuasaun oknum PNTL nian ne’ebé akontese bei-beik ona iha Kuluhun, Manufahi, Kovalima, Mascarenhas no atuasaun ne’ebé mak kontinua repete iha Tasi-Tolu.

Nia dehan, husi parte seluk nu’udar estudante no juventude ne’ebé hamahan an iha Fórsa Humanista Timor-Leste konsidera katak, atuasaun husi Oknum PNTL la respeitu ba farda ne’ebé sosa ho ruin no ran povu Timor tomak nian.

Aspeitu Ekonomia, Fórsa Humanista Timor-Leste diskorda ho medida Estadu Emerjensia, Serka Sanitaria no Konfinamentu hodi rezulta numeru dezempregu sa’e makas, no mós rendimentu familiar tun kada loron, aumezmu tempu agrikultor nia produtu la fólin no empregador barak lakon servisu, tamba kompañia  sira hakotu kontratu kauza husi limitasaun movimentu ema nian.

“Aspetu Saude, Fórsa Humanista Timor-Leste konsidera katak servisu nivél ministerial laintegradu atu garantia imunidade povu nian iha situasaun pandemia COVID19, hodi rezulta hamlaha no laiha nutrisaun ba povu nia imunidade atu luta kontra funu indivizivel,” tenik hosi komunikadu imprensa

Governu laiha seriedade no inkapasidade atu halo jestaun ba prevensaun COVID19 iha Timor-Leste, liu husi medida prevensaun Estadu Emerjensia, serka sanitaria no konfinamentu, tamba kada loron kazu pozitivu kontinua aumenta ba bebeik.

Sósiu-Kultura, FHTL lamenta tebes ho polítika OMS ba new normal hodi hamate aktividade sósiu-kultural iha rai doben Timor-Leste, bazeia ba ezijénsia ne’ebé mensiona iha leten Fórsa Humanista Timor-Leste propoin ba Governu atu solusiona liu husi alternativa hirak mak hanesan aspetu edukasaun, husu ba Ministru Edukasaun atu reativa permanente prosesu aprendizajem tuir medidas no kapasidade ministeriu nian.

Aspetu Seguransa, Fórsa Humanista Timor-Leste propoin mós ba Oknum PNTL atu halo atuasaun iha publiku tenki mai ho atitude humanizmu hodi refleta ba lema PNTL nian hateten katak Servir e Protejer, no K-RDTL iha artigo 147, numeru 2, katak “Prevensaun kriminal tenki hala’o ho respeitu ba direitus humanus.

Fórsa Humanista Timor-Leste propoin ba Ministru Interior hanesan mós atuál primeiru Ministru tenki harii lalais komisaun independente atu loke prosesu investigasaun ba aktu kriminál ne’ebé komete husi oknum PNTL.

Aspetu Ekonomia, Fórsa Humanista Timor-Leste husu ba Governu presiza halo avaliasaun ba medida Estadu Emerjensia, Serka Sanitaria no Konfinamentu, atu fó liberdade ba povu hodi hasa’e sira nia rendimentu ekonomia hodi nune’e bele garantia nesesidade familiar.

Aspeitu Saúde, Fórsa Humanista Timor-Leste propoin ba governu atu hadia servisu entre linha ministeriais hodi bele garantia imunidade iha situasaun pandemia COVID19” katak iha komunikadu imprensa

Fórsa Humanista Timor-Leste husu ba Governu tenke seriu hodi avalia medida prevensaun anterior sira mak hanesan, Estado Emerjensia, Serka Sanitaria no Konfinamentu Obrigatoriu hodi bele fóti desizaun ne’ebé kondiz ho situasaun real.

Aspeitu Sósiu-Kultural, Fórsa Humanista Timor-Leste husu ba governu labele influensiadu ho regulamentu OMS hodi hamate atividade fiar nian hanesan relijiaun, rituais no tane a’as soberania estadu RDTL.

“Fórsa Humanista Timor-Leste propoin ba parte relijiozu no Lia-nain sira atu mantein nafatin aktividade fiar nian hodi bele dimininui moras COVID19 iha Timor-Leste,” portavóz ne’e hakotu.

Jornalista : Felisberto Fernandes

Editór      : Agapito de Deus

1,251 Views
Artikel ini telah dibaca 37 kali

badge-check

Editor

Baca Lainnya

Sentru Saúde Lore-I Laiha Dotor Atu Atende Pasiente Inan Isin-rua 

6 June 2024 - 15:51

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Trending di SAÚDE