Lafaek News–Inan faluk Maria Gomes Carvalho ho tinan (65) hanesan mos vítima inundasaun iha loron 04 de Abril uma estragus no hamonu matan be’en tanba laiha uma hela fatin dignu atu hamahan an.
Faluk Maria Gomes antes ne’e hela iha Manleuana, maibé foin lalais inundasaun loro 04 Abril bee tama Nia uma estraga hotu nia sasan hafoin Nia muda fali ba kampun Alor hela ho nia família.
Faluk Maria iha oan mane nain tolu mane rua forma ona uma kain no mane Ida sei klosan no agora kontinua estudu iha eskola Sekundariu iha Anur klase segundu Ano faluk Maria Nia kaben mate iha tinan 1995, tanba torturasaun husi Forsa Indonézia.
Antes ne’e ha’u ho oan ne’e ami rua hela iha Manleuana, maibeé foin lalais inundasaun iha loron 04 Abril, bee tama ba ha’u nia uma laran, entaun uma laiha ha’u telfone Ha’u nia katuas oan nia maun nia ferik oan, entaun ha’u ho hau nia oan mane ne’e mai hela fali iha Kampum Alor, tanba laiha fatin atu hela ba,’’ dehan faluk ba lafaek news iha kampum Alor kinta (27/01/2022).
Faluk ne’e sublina nia hetan osan idozu nian, maibé fulan neen mak foin simu no osan ne’ebe nia hetan husi terceira idade nee selu oan nia eskola, tanba nia oan Nia eskola kada fulan selu osan $ 9.00 dolar no Osan nee la aguenta ba nia hodi halo fila nia uma.
Vítima inundasaun ne’e dehan, kona-ba nesesidade lor-loron nian sira sosa foos mina tau Hamutuk hodi Han, maibé tempu ruma osan laiha pasiénsia família sira mak sosa de’it atu responde moris loro-loron.
Kona ba nezesidade lor-loron nia osan iha tau Hamutuk hodi xosa hahán, maibé osan laiha sira mak sosa pois ami han hamutuk senti triste, maibé tahan de’it ona,” nia dehan.
Iha Fatin hanesan Xefe Aldeia 01 Railaka, Estela Aleixo rekomenda se governu iha matan hare’e tilun hodi rona, rona netik ba faluk sira ne’ebé agora da-daun halerik hela tanba vítima husi inundasaun.
Ha’u rekomenda ba governo se karik governu iha matan hodi hare’e tilun hodi rona,iha sentimentu bele apoio netik kalen no besi hodi Nia bele hadia fila fali Nia Uma hodi Nia ho Nia oan Hela netik ba”, Nia hakotu
Jornalista :Domingas Viana/ Herlina Barros
Editor : Agapito de Deus
