Lafaek News—Inundasaun ne’ebé akontese iha loron 4/04/2021, afeta faluk Amelia de Jesus Ribeiro nia hela fatin inklui nesesidade uma laran la salva.
Inan faluk, Amelia de Jesus Ribeiro, ho idade 60, hela iha aldeia Moris Ba Dame, suku Bairo-Pite, postu adminitrtativu, munisípiu Dili, hateten durante ne’e afeta ba inundasaun iha semana kotuk liuba estraga sasan barak la hetan salvasaun tanba velosidade mota sulin ho volume as.
“Ha’u agora hela de’it iha viziñu ha’u nia uma ha’u hela da-daun mak ida-ne’e de’it maibé bee sobu tiha ha’u atu halo hela iha ne’ebé ha’u povu ida faluk ne’e natureza mai estraga tiha ha’u nian uma ne’e, ne’ebé ha’u husu ba governu atu tau matan lalais hadi’a netik ha’u nia uma ha’u, ha’u hakarak husu de’it ida-ne’e ba hahan depois mak ha’u buka rasik mós la buat ida maibé ha’u nia uma ne’e imprtante,”dehan faluk Amelia, ba lafaekews, foin lalais ne’e
idade 60 ne’e dehan, durante semana ida resin ona nia hela de’it iha viziñu sira ne’ebé besik ho nia uma, tanba uma ne’ebé nia hela ba nakonu ho rai
faluk Amelia ninia sasan ne’ebé hetan estragus hafoin hasoru udan boot hanesan armáriu 4, kompostu husi nesesidade uma laran la aproveita inklui mós laptop ida.
Ho nune’e, xefe Aldeira Moris ba Dame, João Carvallho Godinho, rekoñese no nia parte foti ona dadus ne’ebé xefe aldeia identifika iha aldeia refere hamutuk uma kain 4 mak hetan estragus ba inundasaun.
“Iha ne’e iha ema defisiénsia iha na’in haat ida hanesan ne’e tanba ha’u sentimentu ba sira tanba agora da-daun refuziadu de’it iha viziñu nia uma, í ate agora komunidade ida mos seidauk hetan apoiu umanitária mai iha aldeia ida-ne’e,” autoridade lokál ne’e relata.
Ba da-daun autoriedade ne’e esforsu hela atu hato’o proposta ba minstériu relevante atu apoiu emerjénsia ba komunidade afetadu sira.
Tuir dadaus totál iha aldeia Moris ba Dame uma kain hamutuk 12 kompostu husi uma ka’in lima afeta inundasaun grave ho sasan estragus, no uma kain 7 bee tama uma laran.
Jornalista : Acacio/Egidio Nono
Editor : Agapito de Deus
