Lafaek News–Estudante Eskola Téknika Informátika (ETI), tersa (09/11/2021), simu ona vasina Pfizer hamutuk porsentu 25 atu hasa’e imunidade emanian hodi kontra covid-19 iha rai-aran.
Diretór ETI, Dionísio Miguel De Jesus Ximenes informa, estudante ETI kuaze simu ona vasina, tanba ohin loron sira ne’ebé ho idade 12 too 17, simu vasina Pfizer hamutuk pursentu 25.
Estudante sira iha ne’e maioria simu ona vasinasaun astrazeneka ho sinovax, maibé ohin loron de’it estudante ne’ebé tinan 12 no tinan 17, simu vasina pfizer hamutuk porsentu 25,” dehan Diretor ETI ba Lafaek News iha edefisiu eskola ETI Fomentu Dili, tersa (09/11/2021).
Dionísio relata, estudante ne’ebé tinan 18 ba leten vasina hotu ona, evidénsia hatudu husi sira nia aprezentasaun kartaun vasainasaun ba eskola, tanba ne’e agora haree de’it ba sira ne’ebé tinan 12 no tinan 18 maka simu vasinasaun.
Estudante ETI barak liu mak simu tiha ona vasina astrazeneka Ho sinovax iha momentu estadu implementa Komfionamentu Obrigatoriu iha rai laran entaun ami seidauk iha dadus loos kona-ba estudante porsentu hira mak vasina ona tanba ohin loron deit mak porsentu 25,” nia deklara.
Nia dehan, vasinasaun ne’e hahu loron ohin (09/11/2021), maibé iha semana kotuk eskola ETI ho Ministériu Edukasaun hamutuk Ministériu Saúde halo advokasia ho inan-aman sira depois halo mos konkordánsia ho sira (inan-aman) hafoin realiza vasainasaun.
Entretantu tuir observasaun jornalista iha terenu nota ai-moruk vasinasaun pfizer ne’ebé ekipa saúde lori ba iha eskola ETI la sufisiente, tanba númeru estudante besik rihun ida resin.
Jornalista :Orlando Magno
Editór : Agapito de Deus
